រាជធានីភ្នំពេញ ៖ បុរសម្នាក់បើករថយន្ដ Land Rover DEFENDER ស៊េរីទំនើបមួយគ្រឿង បានបើកទៅបុករបាំងថ្មចែកផ្លូវ ទាំងកម្រោល បណ្ដាលអោយរថយន្ដដាច់កង់ខាងមុខ រងការខូចខាតយ៉ាងដំណំ កាលពីវេលាម៉ោង១១យប់ ថ្ងៃទី១១ ខែកញ្ញា ឆ្នាំ២០២៣ លើផ្លូវ៥៩៨ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើត គេបានឃើញបុរសម្នាក់ បើករថយន្ដ Land Rover DEFENDER ស៊េរីទីទំនើបមួយគ្រឿង បើកតាមបណ្ដោយផ្លូវ៥៩៨ ក្នុងទិសដៅពីត្បូងទៅជើង​មកដល់ស្តុបត្រឡោកបែក ក៏បានបើកទៅបុករបាំងថ្មចែកផ្លូវទាំងកម្រោល បណ្ដាលអោយរថយន្ដដាច់កង់ខាងមុខ រងការខូចខាតយ៉ាងដំណំ ។

ក្រោយកើត​ហេតុ​ សមត្ថកិច្ច​ជំនាញ​ចរាចរណ៍​ផ្លូវគោក ​នៃ​ស្នងការដ្ឋាន​​នគរបាល​រាជធានី​ភ្នំពេញ​​ បានចុះ​មកដល់ធ្វើការ​វាស់​វែង ​យករថយន្ដ​ និង​ម៉ូតូ ទៅ​រក្សា​ទុក​រង់​ចាំ​ការ​​ដោះស្រាយ​នៅ​ពេល​ក្រោយតាមច្បាប់បន្តទៀត ៕ Mrr Ka