រាជធានីភ្នំពេញ ៖ បុរសម្នាក់ បើករថយន្តព្រូសមួយគ្រឿង ទៅបុករបាំងថ្មចែកទ្រូងផ្លូវ ខ្ទេច៣កង់ រងការខូចខាតរថយន្តយ៉ាងដំណំ កាលពីវេលាម៉ោង ២និង៣០នាទីរំលងអាធ្រាត ឈានចូល ថ្ងៃទី ១៣ ខែកញ្ញា ឆ្នាំ២០២៣ នៅតាមបណ្តោយផ្លូវសហព័ន្ធរុស្ស៊ី ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្តព្រូស មួយគ្រឿង ដែលពាក់ស្លាកលេខ ភ្នំពេញ 2AU-2319 បានរេទៅបុករបាំងថ្មចែកទ្រូងផ្លូវ ខ្ទេច៣កង់ រងការខូចខាតរថយន្តយ៉ាងដំណំតែម្តង។

ក្រោយកើត​ហេតុ ​សមត្ថកិច្ច​ជំនាញ​ចរាចរណ៍​ផ្លូវគោក ​នៃ​ស្នងការដ្ឋាន​​នគរបាល​រាជធានី​ភ្នំពេញ​​ ចុះ​មក​វាស់​វែង​យករថយន្ដ​ ទៅរក្សាទុក រង់ចាំដោះស្រាយគ្នាពេលក្រោយតាមច្បាប់បន្តទៀត ៕ Mrr Ka