រាជធានីភ្នំពេញ ៖ នារីរូបស្រស់ ស្គាល់គ្នាជាមួយយុវជនម្នាក់ តាមហ្វេសប៊ុក ឈ្មោះ Nha Jlem ទើបតែបាន ៣ថ្ងៃ ណាត់ជួបគ្នា ត្រូវបានខាងប្រុសដឹកទៅកន្លែងស្ងាត់ វាយ និងធាក់ ប្លន់យកទូរស័ព្ទ IPhone 11 Pro Max និង លុយ ៤០០ដុល្លារ ទៅបាត់ទាំងកណ្ដាលរាត្រី ផ្អើលដល់កងរាជអាវុធហត្ថខណ្ឌដង្កោ ចុះមកអន្តរាគមន៍ទាំងយប់ ។

ហេតុការណ៍នេះ បានកើតឡើងនៅតាមបណ្ដោយផ្លូវបេតុង ស្ថិតនៅភូមិម័ល សង្កាត់ដង្កោ ខណ្ឌដង្កោ វេលាម៉ោង ១០យប់ ត្រូវនឹងថ្ងៃទី១២ ខែកញ្ញា ឆ្នាំ២០២៣ ។

តាមសម្ដីនារីជនរងគ្រោះ បានអោយដឹងថា មុនពេលកើតហេតុ ខ្លួននិងពួកម៉ាក បានណែនាំអោយស្គាល់គ្នាជាមួយ យុវជនម្នាក់តាម Facebook ដែលមានឈ្មោះ Nha Jlem បាន៣ថ្ងៃប៉ុណ្ណោះ រួចក៏បានណាត់ជួបគ្នា ហើយក៏បានដឹកគ្នាដើរលេង ដោយជនសង្ស័យខាងប្រុស បានប្រើល្បិច ដឹកជនរងគ្រោះខាងស្រី ទៅដល់ផ្លូវស្ងាត់ ក៏បានធ្វើសកម្មភាព វាយ និងធាក់ ប្លន់យកទូរស័ព្ទ IPhone 11 Pro Max និង លុយ ៤០០ដុល្លារ ទៅបាត់ទាំងកណ្ដាលរាត្រី ផ្អើលដល់កងរាជអាវុធហត្ថខណ្ឌដង្កោ ចុះមកអន្តរាគមន៍ទាំងយប់ សួរនាំពីហេតុការណ៍ និងនាំជនរងគ្រោះទៅដាក់ពាក្យបណ្តឹង ដើម្បីបន្តបើកការស្រាវជ្រាវ តាមចាប់ខ្លួនជនសង្ស័យខាងលើ យកមកផ្តន្ទាទោសតាមច្បាប់បន្តទៀត ៕ Mrr Ka