ខេត្តព្រះសីហនុ៖ ពុទ្ធោសង្វេគណាស់ .. ក្មេងស្រីម្នាក់ កំពុងតែអង្គុយរៀន ក្នុងសាលា ស្រាប់តែត្រូវបានអ្នកជិតខាង ទៅយកចេញថ្នាក់ភ្លាមៗ គ្រូក៏ប្រាប់ទាំងក្តីរន្ធត់ចិត្ត ម្តាយរបស់កូនរថយន្តកិនស្លាប់ហើយ ទៅចុះកូន ធ្វើឲ្យក្មេងស្រីខាងលើ ទ្រហ៊ោយំ មុខមិត្តភក្តិដោយក្តីស្លុតចិត្ត ដែលទិដ្ឋភាពនេះ ពិតជាអង្រួនចិត្ត ទាំងគ្រូ ទាំងអ្នកជិតខាង ទាំងសិស្សដ៍ទៃទៀតយ៉ាងខ្លាំង ... ពិតជាអាណិតប្អូនណាស់ .. ។

ហេតុការណ៍នេះ បានកើតឡើងកាលពីព្រឹកថ្ងៃទី១៣ ខែកញ្ញា ឆ្នាំ២០២៣ នៅចំណុចផ្លូវប៉ូឡូវ៉ៃ កែងផ្លូវលេខ៣០១ ម្តុំកាស៊ីណូប៉ឡាយ ក្នុងភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ ។

តាមប្រភពព័ត៌មានបានឲ្យដឹងថា មុនពេលកើតហេតុ គេបានប្រទះឃើញ ស្ត្រីរងគ្រោះឈ្មោះ គង់ ស្រីណែល មានស្រុកកំណើតនៅឃុំចេក ស្រុកស្វាយរៀង ខេត្តស្វាយរៀង បច្ចុប្បន្ន ស្នាក'នៅភូមិ៥ សង្កាត់៤ ក្រុងព្រះសីហនុ ជិះម៉ូតូមួយគ្រឿង ម៉ាកScoppy ពណ៌ក្រហម ពាក់ស្លាកលេខ ព្រះសីហនុ 1I-5743 ពីជើងទៅត្បូងតាមបណ្តោយផ្លូវ៣០១ លុះមកដល់ចំណុចផ្លូវបែកជាបួន ត្រង់ចំណុចស្តុបប៉ឡាយ កែងនិងផ្លូវ៣០០ ក៏ឈប់រង់ចាំដើម្បីឆ្លងផ្លូវ ខណៈពេលនោះ ក៏មានរថយន្តដឹកដី និងថ្មធន់ធំចំនួន២គ្រឿង បើកវ៉ាជែងគ្នា ដោយមួយគ្រឿង ម៉ាក Scanai ពណ៌ស ពាក់ស្លាកលេខ ភ្នំពេញ 3F-4316 រេចង្កូតមកបុកកិនពីលើស្ត្រីរងគ្រោះ និងម៉ូតូ អូសជាង១០ម៉ែត្រ រហូតទៅមុខលែងរួច បណ្តាលឲ្យស្ត្រីរងគ្រោះស្លាប់ បែកគ្រឿងក្នុងចេញមកក្រៅយ៉ាងរន្ធត់បំផុត ខណៈបើកបរ ត្រូវសមត្ថកិច្ចឃាត់ខ្លួនបានភ្លាមៗនៅនឹងកន្លែងកើតហេតុ ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលខេត្តព្រះសីហនុ បានធ្វើការវាស់វែង យករថយន្តទៅរក្សាទុក

វត្ថុតាងទាំងពីត្រូវបានសមត្ថកិច្ចយកទៅរក្សារនៅការិយាល័យនគរបាលចរាចរណ៍ផ្លូវគោកខេត្តព្រះសីហនុរងចាំធ្វើការដោះស្រាយបន្តតាមនីតិវិធី ចំណែកសពបានតម្តល់ទុកនៅមន្ទីរពេទ្យបង្អែកខេត្តរងចាំសាចញ្ញាតិមកទទួលយកទៅធ្វើបុណ្យតាមប្រពៃណី ៕