បន្ទាយមានជ័យ៖ឃាត់ខ្លួនមេខ្យល់ម្នាក់ទៀតហើយមប្រុងនាំពលរដ្ឋឆ្លងដែនខុសច្បាប់ចំនួន១០នាក់កុមារ៤នាក់កាលពីថ្ងៃទី២៤ ខែមេសា ឆ្នាំ២០២១ នៅភូមិសង្កែ ឃុំបឹងបេង ស្រុកម៉ាឡៃ។

លោកវរៈសេនីយ៍ឯក ម៉ែន ភិរម្យ មេបញ្ជាការរង កងរាជអាវុធហត្ថខេត្តបន្ទាយមានជ័យបានប្រាប់ថា៖ជនសង្ស័យជាមេខ្យល់មានឈ្មោះ ម៉ក់ ឈន់ ភេទប្រុសអាយុ៤២ឆ្នាំរស់នៅភូមិកូនដំរី សង្កាត់និមិត្ត ក្រុងប៉ោយប៉ែត។

លោកបានបញ្ជាក់ថា៖នៅពេលឃាត់ខ្លួនជនសង្ស័យគឺកម្លាំងយោធាតំបន់ប្រតិបត្តិការសឹករងខេត្តបន្ទាយមានជ័យដែលដឹកនាំដោយលោកឧត្តមសេនីយ៍ត្រី ជិម ប៊ុនអាន មេបញ្ជាការយោធាតំបន់ប្រតិបត្តការរងខេត្តបន្ទាយមានជ័យដឹកនាំកម្លាំងសហការជាមួយកម្លាំងកងរាជអាវុធហត្ថខេត្ត បានស្រាវជ្រាវមុខសញ្ញាឃាត់រថយន្តកាំម៉ារីបាឡែន១គ្រឿងពាក់ស្លាក់លេខភ្នំពេញ2W-9578 បើកបរដោយឈ្មោះ ម៉ក់ ឈន់ ដែលបម្រុងនាំពលករប្រុស.ស្រី១០នាក់កុមា៤នាក់ ដែលកំពុងផ្ទេរដាក់រថយន្តកាំម៉ារីសេរីចាស់១គ្រឿងទៀតពាក់ស្លាក់លេខភ្នំពេញ2F.5767ដែលជារថយន្តមេខ្យល់ឈ្មោះ សួស គីម បានរត់គេចខ្លួនហើយបម្រុងនាំពលករឆ្លងដែនខុសច្បាប់ភូមិសាស្គ្រស្រុកម៉ាឡៃ។

លោកវរៈសេនីយ៍ឯក ម៉ែន ភិរម្យ បានបញ្ជាក់ថា៖ក្រោយឃាត់ខ្លួនជនសង្ស័យមា្នក់ឈ្មោះ ម៉ក់ ឈន់ នាំយកសារសួរនៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យហើយត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីអនុវត្តតាមច្បាប់ ហើយពលករចំនួន១០នាក់កុមារ៤នាក់ត្រូវបានបញ្ជូនទៅមណ្ឌលចត្តាឡីស័កកម្រិត២កងវ៉ានៅថ្ងៃទី២៥ ខែមេសា ឆ្នាំ២០២១នៅក្រុងសិរីសោភ័ណ៕ដោយ៖ចិន្ត្រា