ខេត្តកោះកុង៖ ជំនាញព្រហ្មទណ្ឌ នៃអធិការដ្ឋាននគរបាលក្រុងខេមរភូមិន្ទ បានឃាត់ខ្លួនជនសង្ស័យ២នាក់ ខណៈលួចម៉ូតូរបស់គេ ហើយព្យាយាមរត់គេចខ្លួន កាលពីវេលាម៉ោង ៧និង៤៥នាទី ថ្ងៃទី១៦ ខែកញ្ញា ឆ្នាំ២០២៣ ។ នេះបើយោងតាមផេក អគ្គស្នងការដ្ឋាននគរបាលជាតិ ។
សមត្ថកិច្ចបានឲ្យដឹងថា ជនសង្ស័យមានឈ្មោះ ឈូក ឆៃ ភេទប្រុស អាយុ៣៥ឆ្នាំ មុខរបមិនពិតប្រាកដ និងឈ្មោះ ហេងសម័យ ភេទប្រុស អាយុ ៤២ឆ្នាំ មុខរបរមិនពិតប្រាកដ អ្នកទាំង២មានទីលំនៅភូមិ០២ ឃុំប៉ាក់ខ្លង ស្រុកមណ្ឌលសីម៉ា ខេត្តកោះកុង។
ចំណែកជនរងគ្រោះឈ្មោះ ពុធ សុខលី ភេទប្រុស អាយុ៥៣ឆ្នាំ មុខរបកម្មករ មានទីលំនៅ ភូមិស្ទឹងវែង សង្កាត់ស្ទឹងវែង កាលពីថ្ងៃទី១១ ខែកញ្ញា ឆ្នាំ២០២៣ វេលាម៉ោង ២និង៣០នាទីរសៀល ដោយម៉ូតូចតទុកនៅលើផ្លូវក្បែរដីឡូសំ វីរះ។
ក្នុងនោះ វត្ថុតាងដកហូតរួមមាន ៖ ម៉ូតូ១គ្រឿង ម៉ាកហុងដាឌ្រីម ស៊េរីឆ្នាំ២០០៥ ពណ៌ខ្មៅ គ្មានស្លាកលេខ, កាំបិតផ្គាក់ចំនួន១, ញ៉ញ៉ួរចំនួន២។
បច្ចុប្បន្នកម្លាំងជំនាញកសាងសុំណុំរឿង បញ្ជូនផែនការងារព្រហ្មទណ្ឌចាត់ការបន្ត៕
