ខេត្តកំពត ៖ ថាហើយថា កុំបង្ហោះ តែចូលចិត្តណាស់ ម៉ូតូគេផលិតកង់២ ជិះតែកង់១ បង្ហោះតាមផ្លូវ អួតគេគិតថាខ្លួនឯងឡូយ មិនអាណិតចិត្តឪពុកម្តាយ មិនខ្លាចបង្កគ្រោះថ្នាក់ដល់អ្នកដ៍ទៃ ត្រូវសមត្ថកិច្ចឃាត់ខ្លួន យកមកធ្វើការអប់រំ ។

ក្នុងនោះ យោងតាមផេកស្នងការដ្ឋាននគរបាលខេត្តកំពត បានបង្ហោះនៅថ្ងៃទី១៧ ខែកញ្ញា ឆ្នាំ២០២៣ បានឲ្យដឹងថា វិធានការអប់រំនិងណែនាំ ដើម្បីអោយមានការចងចាំ និងភ្ញាក់រលឹក ដើម្បីអោយក្លាយខ្លួនជាក្មេងល្អ ។ ដូចដែលវីដេអូបានបង្ហាញ ចំពោះក្មេងទំនើង ដែលចូលចិត្តបង្ហោះម៉ូតូទាំងនេះ ត្រូវបានសមត្ថកិច្ចឲ្យនាំគ្នា លើកសែងម៉ូតូជុំវិញដងទង់ជាតិ រួចស្រែកថា ខ្ញុំឈប់បង្ហោះម៉ូតូទៀតហើយ ៕