រាជធានីភ្នំពេញ ៖ បុរសម្នាក់បើករថយន្តស៊េរីទំនើបម៉ាក Jeep មួយគ្រឿង លឿនពេក ជ្រុលទៅបុករបាំងថ្មចែកទ្រូងផ្លូវ ក្រឡាប់ផ្ងារជើង កាលពៅវេលាម៉ោង ១២យប់ ឈានចូលថ្ងៃទី២៩ ខែកញ្ញា ឆ្នាំ២០២៣ នៅតាមបណ្តោយផ្លូវ៣៧២ (ផ្លូវទំនប់៧០) ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ​។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់​ បើករថយន្តស៊េរីទំនើបម៉ាក Jeep មួយគ្រឿង បើកតាមបណ្ដោយផ្លូវ ២៧៣ យ៉ាងលឿនក្នុងទិសដៅពីលិចទៅកើត មកដល់កន្លែងកើតហេតុ ជ្រុលទៅបុករបាំងថ្មចែកទ្រូងផ្លូវ ក្រឡាប់ផ្ងារជើង តែម្តង មនុស្សវិញ ចេញពីក្នុងរថយន្តគេចចេញទៅបាត់ ។

ក្រោយកើត​ហេតុ ​សមត្ថកិច្ច​ជំនាញ​ចរាចរណ៍​ផ្លូវគោក ​នៃ​ស្នងការដ្ឋាន​​នគរបាល​រាជធានី​ភ្នំពេញ​​ ចុះ​មក​ធ្វើការវាស់​វែង ​យករថយន្ដ​ទៅ​រក្សា​ទុក​រង់​ចាំ​ការ​​ដោះស្រាយ​នៅ​ពេល​ក្រោយតាមច្បាប់បន្តទៀត ៕ Mrr Ka