រាជធានីភ្នំពេញ ​៖ មានការភ្ញាក់ផ្អើលខ្លាំងទាំងព្រឹក ដោយប្រជាពលរដ្ឋ និងសន្តិសុខ បានលឺសំឡេងក្តុក លុះរត់ទៅមើល ឃើញបុរសម្នាក់ ស្លាប់ដាច់ខ្លួនជា២កំណាត់ ខ្ទាតពោះវៀន គ្រឿងក្នុង ខួរ ខ្ចាយពេញដី យ៉ាងរន្ធត់តែម្តង ។

ហេតុការណ៍នេះបានកើតឡើងនៅវេលាម៉ោង ៧ព្រឹក ថ្ងៃទី២០ ខែកញ្ញា ឆ្នាំ២០២៣ នៅចំណុចអគារ The SkyLine Tower ដែលមានទីតាំងតាមបណ្តោយផ្លូវបេតុង សង្កាត់មិត្តភាព ខណ្ឌ៧មករា រាជធានីភ្នំពេញ ។

ជុំវិញករណីនេះ បើតាមការបញ្ជាក់បឋម ពីសមត្ថកិច្ច បានឲ្យដឹងថា ដំបូងឡើងមានអ្នកលឺសូរសំឡេងឈ្លោះគ្នា តែមិនដឹងថា មានរឿងអ្វីនោះទេនោះ លុះមួយសន្ទុះក្រោយមក ក៏លឺសំឡេង ក្តុក រត់ទៅមើល ក៏ឃើញបុរសម្នាក់ ស្លាប់ដាច់ខ្លួនជា២កំណាត់ ខ្ទាតពោះវៀន គ្រឿងក្នុង ខួរ ខ្ចាយពេញដី យ៉ាងរន្ធត់តែម្តង ដោយធ្លាក់ពីលើអគារខាងលើចុះមកក្រោម តែមិនទាន់ដឹងថា ពីជាន់ទីប៉ុន្មាននៅឡើយទេ គ្រាន់តែដឹងថា ជាន់ទី៣០ជាង ដោយសពជាមនុស្សប្រុស មិនទាន់ស្គាល់អត្តសញ្ញាណ ជាជនជាតិអ្វី ឬឈ្មោះអ្វីនៅឡើយទេ ហើយក៏មិនទាន់ដឹងថា ជាករណីលោតសម្លាប់ខ្លួនដោយខ្លួនឯង ឬក៏ជាករណីឃាតកម្ម នៅឡើយទេ ខណៈភ្លាមៗ គេឃើញមានសមត្ថកិច្ចជំនាញផ្នែកកោសល្យវិច័យក្រុង បានចុះមកធ្វើការហ៊ុំព័ទ្ធខ្សែពិនិត្យ និងស្រាវជ្រាវនៅទីតាំងកើតហេតុ ។

ព័ត៌មានលម្អិតយ៉ាងណានោះ យើងនឹងផ្សាយជូនបន្តទៀត ៕ អែល មេសា