រាជធានីភ្នំពេញ ៖ បុរសម្នាក់ បើករថយន្ត Highlander មួយគ្រឿង ទៅបុកគូទរថយន្តព្រូស ពេញមួយទំហឹង បណ្ដាលឲ្យរងការខូចខាតយ៉ាងដំណំ ត្រង់ចំណុចរង្វង់មូលព្រហ្មមុខបួន តាមបណ្ដោយផ្លូវជាតិលេខ៦អា ក្បែរនឹងរង្វង់មូលព្រហ្មមុខបួន ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ វេលាយប់ឈានចូលថ្ងៃទី២១ ខែកញ្ញា ឆ្នាំ២០២៣ ។

តាមប្រភពព័ត៌មានពីសមត្ថកិច្ច បានដោយដឹងថា មុនពេលកើតហេតុ គេបានឃើញបុរសម្នាក់ បានបើករថយន្ត Highlander ដែលពាក់ស្លាកលេខ ភ្នំពេញ 2AU 6394 ធ្វើដំណើរតាមបណ្ដោយផ្លូវជាលេខ ៦អា លុះដល់ចំណុចកើតហេតុ ក៏ទៅបុកគូទរថយន្តព្រុស ពាក់ស្លាកលេខ ភ្នំពេញ 2AV 2957 ពេញមួយទំហឹង បណ្ដាលឲ្យរងការខូចខាតយ៉ាងដំណំ ។

ភ្លាមនោះភាគីទាំងសងខាង ក៏ចុះមកជជែកវែកញែកគ្នា នៅតែមិនត្រូវ រហូតសមត្ថកិច្ចបានមកដល់ ទើបភាគីនិងសងខាង ដោះស្រាយគ្នាបញ្ចប់រឿង ដោយម្ចាស់រថយន្ត Highlander ចេញសំណងឲ្យទៅកាន់រថយន្ត ព្រូស ដើម្បីបញ្ចប់រឿងនៅនឹងកន្លែងកើតហេតុ ៕ Mrr Ka