រាជធានីភ្នំពេញ ៖ ជនបរទេសមួយក្រុម បើករថយន្តឡង់គ្រឺស័រ ស៊េរីទំនើបមួយគ្រឿង ទៅបុកនឹងរថយន្តព្រូសពេញមួយទំហឹង បណ្ដាលឱ្យរងការខូចខាតយ៉ាងដំណំ កាលពីវេលាម៉ោង ១រំលងអាធ្រាត្រ ឈានចូលថ្ងៃទី២១ ខែកញ្ញា ឆ្នាំ២០២៣ នៅចំណុចស្តុប២៤ម៉ោង ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

ប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ច បានឲ្យដឹងថា មុនពេលកើតហេតុ គេបានឃើញបុរសជនបរទេសមួយក្រុម បើករថយន្ដឡុងគ្រឺស័រស៊េរីទំនើប ពណ៌សមួយគ្រឿង ដែលពាក់ស្លាកលេខ កម្ពុជា MDL7889 ធ្វើដំណើរតាមបណ្ដោយផ្លូវភ្នំពេញហាណូយ ពីជើងទៅត្បូង មកដល់ចំណុចស្តុប ២៤ម៉ោង ក៏បានបុករថយន្ដព្រូស ពាក់ស្លាកលេខ ភ្នំពេញ 2AP 2994 ពេញមួយទំហឹង បណ្ដាលឲ្យរងការខូចខាតយ៉ាងដំណំ។

ក្រោយកើតហេតុ សមត្ថកិច្ចក៏បានធ្វើការវែង ដើម្បីរង់ចាំការដោះស្រាយគ្នានៅពេលក្រោយទៀត ៕ Mrr Ka