ខេត្ត​បន្ទាយមានជ័យ​៖​ អគ្គិភ័យ​ឆេះផ្ទះ​បងប្អូន​ប្រជាពលរដ្ឋ​មួយកន្លែង យ៉ាងសន្ធោសន្ធៅ កាលពីវេលាម៉ោង ៤ល្ងាច ថ្ងៃទី១៩ ខែកញ្ញា ឆ្នាំ២០២៣ នៅភូមិគំរូ ឃុំគំរូ ស្រុកថ្មពួក ខេត្តបន្ទាយមានជ័យ ។ នេះបើយោងតាមផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ។

សមត្ថកិច្ចបានឲ្យដឹងថា ម្ចាស់ផ្ទះកើតហេតុ មានឈ្មោះ ព្រិល អើយ​ ភេទ​ ស្រី អាយុ ៦១ ឆ្នាំ ។

ក្រោយពីទទួលបានពត៌មានភ្លាម កម្លាំងជំនាញនិងប៉ុស្តិ៍រដ្ឋបាល នៃអធិការដ្ឋាននគរបាលស្រុកថ្មពួកចំនួន២៥នាក់ ដឹកនាំដោយ លោកវរសេនីយ៍ទោ ឈឿន គឹមឈុន អធិការ រថយន្តពន្លត់អគ្គីភ័យរបស់អធិការដ្ឋានចំនួន០១គ្រឿង បានចុះជួយពន្លត់និងសង្គ្រោះ ជញ្ជូនសម្ភារៈគ្រប់គ្រងបានរលត់១០០% ប្រើប្រាស់ទឹកអស់ចំនួន១០រថយន្ត​ ។

ក្នុងនោះបានឆាបឆេះ ផ្ទះទំហំ ៧x៩​ ម៉ែត្រ​ ឈើលើថ្មក្រោម ប្រក់ក្បឿង, ផ្ទះផ្នែកខាងលើខូចខាតទាំងស្រុង, ប្រាក់បាតចំនួន ៧០០០ បាត, ប្លងដីចំនួន ០៣​ ប្លង់, គ្រែដេកចំនួន ០១, ខោអាវមុងភួយ ។

ចំណែកមូលហេតុបណ្តាលមកពី ​ឆ្លងចរន្តអគ្គីសនី ៕