រាជធានីភ្នំពេញ ៖ បុរសម្នាក់បើករថយន្តឡង់គ្រឺស័រមួយគ្រឿង រេចង្កូតទៅបុកនឹងរបាំងថ្មចែកទ្រូងផ្លូវ ពេញទំហឹង បណ្តាលឲ្យខ្ទាត ទៅត្រូវនឹងរថយន្តមួយគ្រឿងទៀត បណ្ដាលឲ្យរងការខូចខាតយ៉ាងដំណំ។

ហេតុការណ៍នេះកើតឡើងកាលពីវេលាម៉ោង ១២ និង៥២នាទី យប់ឈានចូលថ្ងៃទី២២ ខែកញ្ញា ឆ្នាំ២០២៣ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្តឡង់គ្រឺស័រមួយគ្រឿង ធ្វើដំណើរតាមបណ្ដោយផ្លូវ ២៨៩ ក្នុងទិសដៅពីជើងទៅត្បូង មកដល់ចំណុចកើតហេតុ ក៏រេចង្កូតទៅបុកនឹងរបាំងចែកផ្លូវ បណ្ដាលឲ្យរថយន្តរងការខូចខាតយ៉ាងដំណំ។ ភ្លាមនោះដុំថ្មនឹងរថយន្តនោះ ក៏បានទៅត្រូវរថយន្តព្រូសមួយគ្រឿងទៀយ ដែលបើកក្នុងទិសដៅបញ្ច្រាសទិសគ្នាពេញមួយទំហឹង​ បណ្ដាលឲ្យរងការខូចខាតយ៉ាងដំណំ ។

ក្រោយកើតហេតុ សមត្ថកិច្ចក៏បានមកដល់បានទំនាក់ទំនងឲ្យសមត្ថកិច្ចជំនាញចរាចរណ៍ផ្លូវគោកនៃស្នងការនគរបាលរាជធានីភ្នំពេញធ្វើការវង្វេងយកព្រះជនទាំងពីរគ្រឿងនេះទៅរក្សាទុកដើម្បីរង់ចាំការដោះស្រាយជននៅពេលក្រោយទៀត។