រាជធានីភ្នំពេញ​៖ នារីម្នាក់បើករថយន្តព្រូសមិនប្រយ័ត្ន ទៅបុកត្រូវរថយន្ត Escalade 600 ស៊េរីទំនើបពេញមួយទំហឹង ត្រង់គល់ស្ពានជ្រោយចង្វារ បណ្តាលឲ្យរងការខូចខាតយ៉ាងដំណំ កាលពីវេលាម៉ោង ២យប់ ឈានចូលថ្ងៃទី២២ ខែកញ្ញា ឆ្នាំ២០២៣ នៅចំណុចគល់ស្ពានជ្រោយចង្វារ ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។

តាមប្រភពព័ត៌មានពីសមត្ថកិច្ច បានដោយដឹងថា មុនពេលកើតហេតុ គេបានឃើញនារីម្នាក់ បើករថយន្តព្រូស បើកមិនប្រយ័ត្ន ក៏បានបុកត្រូវរថយន្ត Escalade 600 ស៊េរីទំនើប ពេញមួយទំហឹង ត្រង់គល់ស្ពានជ្រោយចង្វារ បណ្តាលឲ្យរងការខូចខាតយ៉ាងដំណំ ។

ក្រោយកើតហេតុ សមត្ថកិច្ចបានមកដល់ បានឲ្យភាគីទាំងសងខាង ចរចារគ្នា ដោះស្រាយគ្នាបញ្ចប់រឿង នៅទីតាំងកើតហេតុ ដោយយករថយន្តទៅជួសជុលរៀងៗខ្លួន ៕ Mrr Ka