ឃាត់ខ្លួនជនសង្ស័យម្នាក់ ក្នុងចំណោមបក្សពួកចំនួន៣នាក់ ខណៈលួចកាបូបស្ពាយ និងទូរស័ព្ទដៃ របស់គេនៅសួនច្បារមាត់ទន្លេ
រាជធានីភ្នំពេញ ៖ កម្លាំងប៉ុស្តិ៍នគរបាលរដ្ឋបាលផ្សារកណ្តាលទី១ ឃាត់ខ្លួនជនសង្ស័យម្នាក់ ក្នុងចំណោមបក្សពួកចំនួន០៣នាក់ ពាក់ព័ន្ធករណីលួច (កាបូបស្ពាយ និងទូរស័ព្ទដៃ) កាលពីវេលាម៉ោង ១២និង ៣០នាទី រំលងអាធ្រាត ថ្ងៃទី២០ ខែកញ្ញា ឆ្នាំ២០២៣ នៅចំណុចសួនច្បារមាត់ទន្លេ ផ្លូវព្រះស៊ីសុវត្ថិ សង្កាត់ផ្សារកណ្តាលទី១ ខណ្ឌដូនពេញ។
សមត្ថកិច្ចបានឲ្យដឹងថា ជនសង្ស័យឈ្មោះ ចិត សារី ហៅរ៉ូ ភេទប្រុស ជនជាតិខ្មែរ ស្នាក់នៅនិងមុខរបរមិនពិតប្រាកដ។
ក្នុងនោះ វត្ថុតាងចាប់យក៖ កាបូបស្ពាយ ពណ៌ខ្មៅ និង ទូរសព្ទម៉ាក samsung s21។
ពេលនេះ ជនសង្ស័យ កំពុងឃាត់ខ្លួននៅប៉ុស្តិ៍នគរបាលរដ្ឋផ្សារកណ្តាលទី១ បណ្ដោះអាសន្ន ដើម្បីកសាងសំណុំរឿងចាត់ការបន្តតាមនីតិវីធីច្បាប់៕
