ខេត្តបន្ទាយមានជ័យ ៖ មានករណីដេញកាប់មនុស្សមិនបាន​ ទៅកាប់ផ្ទះ (ធ្វើអោយខូចខាតដោយចេតនា) ត្រូវបានសមត្ថកិច្ចក្រុងសេរីសោភ័ណ ឃាត់ខ្លួនបាន ។ នេះបើយោងតាមផេក អធិការដ្ឋាននគរបាល ក្រុងសិរីសោភ័ណ ។

សូមបញ្ជាក់ថា នៅថ្ងៃទី ១៩ ខែកញ្ញាឆ្នាំ២០២៣ វេលាម៉ោង១០យប់ មានក្មេងទំនើងមួយក្រុមមានគ្នា​៤​ នាក់ បានធ្វើសកម្មភាពតាមដេញកាប់ទៅលើក្មេងមួយក្រុមទៀត​ មានគ្នា២នាក់តែមិនបានសម្រេច​ ហើយបន្តទៅកាប់ទ្វារផ្ទះ​ជនរងគ្រោះ ដែលស្ថិត​ភូមិទឹកថ្លា​ សង្កាត់ទឹកថ្លា​ ក្រុងសិរីសោភ័ណ​ ខេត្តបន្ទាមានជ័យ​។

លុះនៅថ្ងៃទី ២០ ខែកញ្ញា ឆ្នាំ២០២៣ ភាគីជាម្ចាស់ បានមកដាក់ពាក្យបណ្តឹងនៅអធិការដ្ឋាន​។

ក្រោយទទួលពាក្យបណ្តឹង​ កម្លាំងជំនាញបានធ្វើការស៊ើបអង្កេត​ឈានដល់ឃាត់ខ្លួនបានជនសង្ស័យ៤នាក់​ ភស្តុតាង​មាន(កាំបិត​វែង ចំនួន ២ដើម)​ នៅថ្ងៃទី ២១ ខែកញ្ញា ឆ្នាំ២០២៣ ។

ក្នុងពេលសាកសួរជនសង្ស័យទាំង ៤នាក់ បានឆ្លើយសារភាពថា ខ្លួនពិតជាបានធ្វើសកម្មភាពដូចខាងលើពិតប្រាកដមែន(មូលហេតុមកពីទំនាស់រឿងស្នេហាត្រីកោណ)។

ពេលនេះកម្លាំងជំនាញបាន និងរៀបចំនិតីវិធីបញ្ចូនទៅស្នងការដ្ឋាននគរបាលខេត្ត៕