រាជធានីភ្នំពេញ​៖ នគរបាលប៉ុស្តិ៍ច្បារអំពៅទី២ ធ្វើការឃាត់ខ្លួនជនសង្ស័យចំនួន ២នាក់ នៅចំណុច២ទីតាំងផ្សេងគ្នា ពាក់ព័ន្ធនឹង៣ករណីផ្សេងគ្នា។

ដោយនៅវេលាម៉ោង១៨ និង៣០ នាទី ថ្ងៃទី២១ ខែកញ្ញា ឆ្នាំ២០២៣ កម្លាំងនគរបាលប៉ុស្តិ៍ច្បារអំពៅទី២ នៃអធិការខណ្ឌច្បារអំពៅ ឃាត់ខ្លួនជនសង្ស័យម្នាក់ ឈ្មោះ សុខផល ភេទប្រុស អាយុ ២៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅផ្ទះជួល ភូមិដេីមចាន់ សង្កាត់ច្បារអំពៅទី២ ខណ្ឌច្បារអំពៅ នៅចំណុចមុខវិហាចិនសុខសាន្ត ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ពីបទ : ជួញដូរដោយខុសច្បាប់នូវសារធាតុញៀន ដកហូតបាន ក្រាមពណ៌សថ្លាចំនួន ០២ កញ្ចប់ថង់តូច ។

ករណីទី២ នៅវេលាម៉ោង ១ និង០០នាទី ថ្ងៃទី២២-០៩-២០២៣ សមត្ថកិច្ចនគរបាលប៉ុស្តិ៍ច្បារអំពៅទី២ ខណ្ឌច្បារអំពៅ ចាប់ខ្លួនពិរុទ្ធជនម្នាក់ ឈ្មោះ យូ គឹមដារុណ ភេទប្រុស អាយុ៣៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិឬស្សី សង្កាត់ ស្ទឹងមានជ័យ ខណ្ឌមានជ័យ នៅចំណុចមុខយឿត្រី ផ្លូវបេតុង ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ តាមដីកាបង្កាប់អោយចាប់ខ្លួន-ឃុំខ្លួន លេខ ៦៤៥ “ឌ” ដចន ចុះថ្ងៃទី២៤ ខែសីហា ឆ្នាំ២០១៧ របស់លោក អ៊ឹម វណ្ណៈ ចៅក្រមជំនុំជម្រះសាលាដំបូងរាជធានីភ្នំពេញ ពីបទ ជួញដូរដោយខុសច្បាប់នូវសារធាតុញៀន និងបទ កាន់កាប់អាវុធគ្មានការអនុញាតិ ប្រព្រឹត្តនៅចំណុចបន្ទប់ជួល ផ្ទះ៦៤២ ផ្លូវ៣៦៩ ភូមិកណ្តាល សង្កាត់ច្បារអំពៅ២ ខណ្ឌច្បារអំពៅ កាលពីថ្ងៃទី២១-០៧-២០១៦ ក្រាមពណ៌សថ្លាចំនួន ០១ កញ្ចប់ថង់ធំល្មម ។

ពេលនេះជនសង្ស័យទាំង២នាក់ខាងលើ កំពុងឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌច្បារអំពៅ ដើម្បីកសាងសំណុំរឿងចាត់ការតាមច្បាប់បន្តទៀត ៕ អែល វិចិត្រ