រាជធានីភ្នំពេញ ៖ បុរសម្នាក់ បើករថយន្ដ Ford Raptor ស៊េរីទំនើប ទៅបុកនិងម៉ូតូមួយគ្រឿង បណ្ដាលឲ្យមានមនុស្សរងរបួសធ្ងន់ ត្រូវបានបញ្ចូនទៅមន្ទីរពេទ្យ កាលពីវេលាម៉ោង ១០យប់ ថ្ងៃទី២៣ ខែកញ្ញា ឆ្នាំ២០២៣ តាមបណ្ដោយផ្លូវសហព័ន្ធរុស្ស៊ី ក្នុងសង្កាត់មនោរម្យ ខណ្ឌ ៧មករា រាជធានីភ្នំពេញ ។
យោងតាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បានបើករថយន្ត Ford Raptor មួយគ្រឿង ដែលពាក់ស្លាកលេខ ភ្នំពេញ 2BM 7188 ធ្វើដំណើរតាមបណ្ដោយផ្លូវសហព័ន្ធរុស្ស៊ី ក្នុងទិសដៅពីលិចកើត មកដល់ចំណងចំណុចកើតហេតុ ក៏បានបុកគ្នាជាមួយនឹងម៉ូតូ ដែលកំពុងឆ្លងផ្លូវពេញទំហឹង បណ្ដាលឲ្យមនុស្សម្នាក់ របួសធ្ងន់ ត្រូវបានបញ្ជូនទៅមន្ទីរពេទ្យ ។
ក្រោយកើតហេតុ សមត្ថកិច្ចជំនាញចរាចរណ៍ បានធ្វើការវាស់វែង យករថយន្តនិងម៉ូតូ យកទៅរក្សាទុក រង់ចាំការដោះស្រាយគ្នានៅពេលក្រោយ តាមច្បាប់បន្តទៀត ៕ Mrr Ka
