រាជធានីភ្នំពេញ ៖ ជនសង្ស័យម្នាក់ បានធ្វើសកម្មភាព វាយបំបែកកញ្ចក់ចូលទៅក្នុង ផ្សារទំនើបជប៉ុន បម្រុងនឹងលួច ដែលត្រូវបានបងប្អូនប្រជាពលរដ្ឋរាយការណ៍ទៅប្រាប់សមត្ថកិច្ច ធ្វើការឡោមព័ទ្ធចាប់បានម្នាក់ភ្លាមៗ បញ្ជូនទៅអធិការនគរបាលខណ្ឌបឹងកេងកង កាលពីវេលាម៉ោង ៣ទៀបភ្លឺ ឈានចូលថ្ងៃទី២៤ ខែកញ្ញា ឆ្នាំ២០២៣ នៅក្នុងសង្កាត់ទួលស្វាយព្រៃ ខណ្ឌបឹងកេងកង រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ ដែលជាជនសង្ស័យ បានធ្វើសកម្មភាពវាយបំបែកកញ្ចក់ចូលទៅក្នុង ( ផ្សារទំនើបជប៉ុន ) បម្រុងនឹងលួចរបស់របរដែលនៅក្នុងហាងផ្សារទំនើប តែត្រូវបានបងប្អូនប្រជាពលរដ្ឋរាយការណ៍ទៅប្រាប់សមត្ថកិច្ច ធ្វើការឡោមព័ទ្ធចាប់បានម្នាក់ភ្លាមៗ បញ្ជូនទៅអធិការនគរបាលខណ្ឌបឹងកេងកង។

ក្រោយកើតហេតុ សមត្ថកិច្ចរធ្វើការឃាត់ខ្លួននិងបញ្ជូនជនសង្ស័យខាងលើ ទៅកាន់អធិការដ្ឋាននគរបាលខណ្ឌបឹងកេងកង ដើម្បីសួរនាំ និងចាត់ការតាមនីតិវិធីច្បាប់ ៕ Mrr Ka