រថយន្ត lexus RX 350 មួយគ្រឿង រេចង្កូតទៅបុករបាំងថ្មចែកទ្រូងផ្លូវ រងការខូចខាតយ៉ាងដំណំ
រាជធានីភ្នំពេញ ៖ បុរសម្នាក់បើករថយន្ត lexus RX 350 មួយគ្រឿង បានរេចង្កូតទៅបុកនឹងរបាំងថ្មចែកទ្រូងផ្លូវ បណ្ដាលឲ្យរងការខូចខាតយ៉ាងដំណំ កាលពីវេលាម៉ោង១០យប់ ថ្ងៃទី ២៣ ខែកញ្ញា ឆ្នាំ ២០២៣ នៅតាមបណ្ដោយផ្លូវមុនីវង្ស ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានដឹងថា មុនពេលកើតហេតុ គេបានឃើញ បុរសម្នាក់បើករថយន្ដ Luxes RX350 មួយគ្រឿង ដែលពាក់ស្លាកលេខ នគបាល 2-9068 ធ្វើដំណើរតាមព្រះមុនីវង្ស ក្នុងទិសដៅពីត្បូងទៅជើង មកដល់ចំណុចកើតហេតុ ក៏បានបុករបាំងថ្មចែកផ្លូវពេញមួយទំហឹង បណ្ដាលអោយរងការខូចខាតយ៉ាងដំណំ។
ក្រោយកើតហេតុ សមត្ថកិច្ចក៏បានមកដល់ បានធ្វើការរបស់វែងយករថយន្តទៅរក្សាទុកដើម្បីរង់ចាំការដោះស្រាយគ្នានៅពេលក្រោយទៀត ៕ Mrr Ka
