ខេត្តព្រៃវែង ​៖ ពិតជារន្ធត់ណាស់លោកអើយ រថយន្តស៊ាំយ៉ុងមួយគ្រឿង ដឹកមនុស្សជាច្រើននាក់ បើកធ្លាក់ចូលប្រឡាយទឹក ស្លាប់មនុស្សរហូតដល់ ៤នាក់ យ៉ាងរន្ធត់ ខណៈមនុស្ស៥នាក់ផ្សេងទៀត បានរួចជីវិត ស្របពេល សមត្ថកិច្ចនិងប្រជាពលរដ្ឋ អន្តរាគមន៍ស្វះស្វែងរុករាវរក យ៉ាងដុតដៃដុតជើង ។ នេះបើយោងតាមផេក ស្នងការរដ្ឋាននគរបាលខេត្តព្រៃវែង ។

ហេតុការណ៍នេះ បានបង្កការភ្ញាក់ផ្អើលយ៉ាងខ្លាំង កាលពីយប់ថ្ងៃទី២៤ ខែកញ្ញា ឆ្នាំ២០២៣ នៅចំណុចភូមិក្រាំង ឃុំធាយ ស្រុកបាភ្នំ ខេត្តព្រៃវែង ។

សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍ បង្កឡើងដោយអ្នកបើកបររថយន្តសាំយ៉ុង មានការធ្វេសប្រហែស បណ្ដាលឱ្យធ្លា..ក់ប្រឡាយទឹកស្លា...ប់ និង.រ.បួ.ស.មនុស្សជាច្រើននាក់។

គួរបញ្ជាក់ថា នៅមុនពេលកើតហេតុ រថយន្តខាងលើ បានដឹកអ្នកដំណើរមកពីចូលរួមមង្គលការគេ នៅភូមិពោន ឃុំទឹកថ្លា ស្រុកស្វាយអន្ទរ ខេត្តព្រៃវែង លុះមកចំណុចកើតហេតុ បានធ្លា..ក់.ប្រឡាយទឺក បណ្ដាលឱ្យមនុស្ស ៤នាក់បានស្លា...ប់, ៥នាក់ផ្សេងទៀត បានរួចរស់ជីវិត និងសង្ស័យមានមនុស្សម្នាក់ទៀតកំពុងជាប់ក្នុងរថយន្ត ។

បច្ចុប្បន្ន កម្លាំងនគរបាលស្រុកបាភ្នំ កំពុងដុតដៃដុតជើង ក្នុងការចុះអន្តរាគមន៍ជួយសង្រ្គោះជនរងគ្រោះ និងស្រង់យកសាកសពអ្នកដែលស្លាប់មកលើគោក។ សូមចូលរួមរំលែកទុក្ខផង ៕