រាជធានីភ្នំពេញ៖ រថយន្តកូរ៉េដឹកទំនិញមួយគ្រឿង បើកគេចរថយន្តឆ្លងកាត់ទទឹងផ្លូវ រ៉េចង្កូតក្រឡាប់បះជើងច្រង៉ាង លើផ្លូវជាតិលេខ៦ បណ្តាលអោយក្រឡាប់ចាក់ទំនិញចោល នៅលើដងផ្លូវ សំណាងល្អដែលមិនគ្រោះថ្នាក់ដល់បងប្អូនប្រជាពលរដ្ឋ ក៏ដូចជាអ្នកបើកបររថយន្ត។

ហេតុការណ៍នេះដែលបានកើតទ្បើង កាលពីវេលាម៉ោង២ និង ៣០នាទីរសៀល ថ្ងៃទី២៥ ខែកញ្ញា ឆ្នាំ ២០២៣ នៅតាមបណ្តោយផ្លូវជាតិលេខ៦អា មុខបុរីដីប្លរ៉ា ស្ថិតនៅក្នុងភូមិក្តីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។

បើយោងតាមប្រភពព័ត៌មានពីប្រជាពលរដ្ឋ បានអោយដឹងថា នៅមុនពេលកើតហេតុ រថយន្តខាងលើ បានធ្វើដំណើរ តាមផ្លូវជាតិលេខ៦A ក្នុងទិសដៅពីត្បូងទៅជើង ចេញពីរាជធានីភ្នំពេញក្នុងល្បឿនលឿន ។ លុះមកដល់ចំណុច កើតហេតុ ក៏វ៉ាក់នឹងរថយន្ត មួយគ្រឿង បង្អង់ល្បឿន ប្រុងបត់ឆ្លងផ្លូវ ហើយអ្នកបើកបរ បានជាន់ហ្វ្រាំង បង្ខំនិងទាញចង្កូតគេចទៅស្តាំដៃ ជាហេតុបណ្តាលអោយក្រឡាប់ ចាក់ទំនិញ ភេសជ្ជៈ និងមី ចោលតែម្តង។

បន្ទាប់ពីកើតហេតុសមត្ថកិច្ចមូលដ្ឋានលោកបានចុះមកដល់ទៅតាំងកន្លែងកើតហេតុ និងបានជួយសម្រួលចរាចរណ៍កចរាចរណ៍កុំអោយកកស្ទះចរាចរណ៍ រួចក៏អោយម្ចាស់រថយន្ត ទំនាក់ទំនងយករថយន្ត មួយគ្រឿងទៀតមកសេងទំនិញ និងហៅរថយន្តមកស្ទួច យករថយន្ត នោះជួសជុល ដោយខ្លួនឯង ៕ អែល មេសា