ទំពាំងរលួយ! ស្លៀកខោអាវស សិស្សសាលា តែលើកម៉ូតូបួងបង្ហោះតាមផ្លូវយ៉ាងអណាធិបតេយ្យ ត្រូវសមត្ថកិច្ចឃាត់បាន
ខេត្តស្ទឹងត្រែង ៖ យោងតាមផេក ស្នងការដ្ឋាននគរបាលខេត្តស្ទឹងត្រែង បានឲ្យដឹងថា ដើម្បីឲ្យការអនុវត្តគោលនយោបាយភូមិ-ឃុំ—សង្កាត់មានសុវត្ថិភាព ជូនប្រជាពលរដ្ឋក្នុងមូលដ្ឋាន ។ នៅថ្ងៃទី២៤ ខែកញ្ញា ឆ្នាំ២០២៣ កម្លាំងជំនាញអធិការដ្ឋាននគរបាលស្រុកថាឡាបរិវ៉ាត់ បានសហការជាមួយកម្លាំងប៉ុស្តិ៍នគរបាលរដ្ឋបាលថាឡាបរិវ៉ាត់ ស្រាវជ្រាវរកក្មេងទំនើងដែលបានធ្វើសកម្មភាពជិះម៉ូតូបង្ហោះយ៉ាងអនាធិបតេយ្យធ្វើឲ្យប៉ះពាល់សណ្តាប់ធ្នាប់តាមផ្លូវសាធារណៈក្នុងស្រុកថាឡាបរិវ៉ាត់ ។
ក្នុងករណីនេះ សមត្ថកិច្ចបាននាំខ្លួនក្មេងទំនើងខាងលើ មកកាន់អធិការដ្ឋាននគរបាលស្រុកថាឡាបរិវ៉ាត់ ដើម្បីធ្វើការអប់រំណែនាំ និងធ្វើកិច្ចសន្យាប្រគល់ឲ្យអាណាព្យាបាលយកទៅអប់រំណែនាំបន្ត ៕
