រាជធានីភ្នំពេញ ៖ បុរសម្នាក់ បើករថយន្ត ហាយឡែនឌ័រមួយគ្រឿងបុកឡើងរង្វង់វិមានឈ្នះឈ្នះ បណ្ដាលអោយបាក់ស្លាកសញ្ញាចរាចរណ៍ និងដើមត្នោតមួយដើម រងការខូចខាតយ៉ាងដំណំ កាលពីវេលាម៉ោង ៩យប់ ថ្ងៃទី២៦ ខែកញ្ញា ឆ្នាំ២០២៣ នៅតាមបណ្ដោយមហាវិថីឈ្នះឈ្នះ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត ហាយឡែនឌ័រមួយគ្រឿង ដែល ពាក់ស្លាកលេខ ភ្នំពេញ 2AL-0981ធ្វើដំណើរតាមបណ្ដោយមហាវិថីឈ្នះៗ ក្នុងទិសដៅពីកើតមកលិច មកដល់ចំណុចកើត ក៏បើកទៅ បុកឡើងរង្វង់វិមានឈ្នះឈ្នះ បណ្ដាលអោយបាក់ស្លាកសញ្ញាចរាចរណ៍ និងដើមត្នោមួយដើម រងការខូចខាតយ៉ាងដំណំ ។ ភ្លាមនោះនាក់បើកបររត់គេចខ្លួនពីកន្លែងកើតហេតុ ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌជ្រោយចង្វារ ធ្វើការវាស់វែងយករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយតាមច្បាប់បន្តទៀត ៕ Mrr Ka
