រាជធានីភ្នំពេញ ​៖ រថយន្ត ២គ្រឿងបើកបរខ្វះការប្រុងប្រយ័ត្ន បានបុកគ្នាត្រង់ផ្លូវបំបែកជាបួន រងការខូចខាតខ្ទេចទាំងសងខាង កាលពីវេលាម៉ោង ១០យប់ ថ្ងៃទី២៦ ខែកញ្ញា ឆ្នាំ២០២៣ នៅចំណុចផ្លូវ២១៧កែងផ្លូវ១០៩ ក្នុងសង្កាត់អូរឬស្សីទី៤ ខណ្ឌ៧មករា រាជធានីភ្នំពេញ ។

តាមប្រព័ត៌មានពីសមត្ថកិច្ចបានដឹងថា មុនពេលកើតហេតុ គេបានឃើញបុរសម្នាក់ បើករថយន្ដ Luxe’s GS300 មួយគ្រឿង ធ្វើដំណើរតាមបណ្ដោយផ្លូវ ២១៧ ក្នុងទិសដៅពីលិចមកកើត មកដល់ស្តុបបំបែកជាបួន ក៏មានរថយន្ដបាឡែនមួយគ្រឿងទៀត ធ្វើដំណើរតាមបណ្ដោយផ្លូវ១០៦ ក្នុងទិសដៅពីត្បូងទៅជើង ក៏បានបុកគ្នាពេញមួយទំហឹង បណ្ដាលអោយរងការខូចខាតយ៉ាងដំណំ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក​នៃអធិការដ្ឋាន​នគរបាល​ខណ្ឌ៧មករា បានធ្វើការវាស់វែងយករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយតាមច្បាប់បន្តទៀត ៕ Mrr Ka