រាជធានីភ្នំពេញ ៖ បុរសម្នាក់ បានរងរបួសយ៉ាងធ្ងន់ធ្ងរ គាបជាប់ក្នុងកង់បី ត្រូវបានក្រុមសង្គ្រោះ របស់អង្គភាព៧១១ កងពលតូចលេខ៧០ ប្រដាប់ដោយរថយន្តស្ទូច ហ្វាកាត់ រថយន្តសង្គ្រោះ ចេញទៅអន្តរាគមន៍ ជួយសង្គ្រោះយកចេញ និងប្រញាប់បញ្ជូនទៅសង្គ្រោះនៅមន្ទីរពេទ្យភ្លាមៗ ខណៈគាត់បើកកង់បី ចុះចំណោតស្ពានអាកាសចោមចៅ ជ្រុលទៅបុកពីក្រោយរថយន្តកុងតឺន័រ ដែលកំពុងចតឈប់ខូច ពេញទំហឹង ។
ហេតុការណ៍ខាងលើកើតឡើងកាលពីវេលាម៉ោង៨ព្រឹក ថ្ងៃទី១ ខែតុលា ឆ្នាំ២០២៣ នៅចំណុចផ្លូវក្រោមដី ស្ពានអាកាសចោមចៅ ភូមិព្រៃជីសាក់ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។
តាមរបាយការណ៍ពីសមត្ថកិច្ចជំនាញ បានឲ្យដឹងថា ជនរងគ្រោះដែលគាបជាប់ក្នុងកង់បី មានឈ្មោះ ចាន់ តារា ភេទប្រុស អាយុ៣២ ឆ្នាំ មានស្រុកកំណើត ភូមិស្រែគក ឃុំ អន្លង់រមៀត ស្រុក កណ្តាលស្ទឹង ខេត្តកណ្តាល ត្រូវបានក្រុមសង្គ្រោះ របស់អង្គភាព៧១១ កងពលតូចលេខ៧០ ប្រដាប់ដោយរថយន្តស្ទូច ហ្វាកាត់ រថយន្តសង្គ្រោះ ចេញទៅអន្តរាគមន៍ យកជនរងគ្រោះចេញ ដើម្បីដឹកបញ្ជូនទៅមន្ទីរពេទ្យព្រះកុសុមៈ ៕
