ឃាត់ខ្លួនបានម្នាក់ ក្នុងចំណោមបក្ខពួក៧នាក់ ករណីយកដា....វកា....ប់បណ្តាលឲ្យរងរបួ...ស
រាជធានីភ្នំពេញ ៖ ជនសង្ស័យម្នាក់ ក្នុងចំណោមបក្ខពួកចំនួន០៧នាក់ ពាក់ព័ន្ធករណីយកដាវកាប់បណ្តាលឲ្យរងរបួស ត្រូវបានកម្លាំងអធិការដ្ឋាននគរបាលខណ្ឌច្បារអំពៅ ឃាត់ខ្លួន ។
សូមបញ្ជាក់ថាកាលពីថ្ងៃទី៥ ខែតុលា ឆ្នាំ២០២៣ ម៉ោង៥ល្ងាច កម្លាំងអធិការដ្ឋាននគរបាលខណ្ឌច្បារអំពៅ ឃាត់ខ្លួនជនសង្ស័យម្នាក់ ក្នុងចំណោមបក្ខពួកចំនួន៧នាក់ ពាក់ព័ន្ធករណីយកដាវកាប់បណ្តាលឲ្យរងរបួស ប្រព្រឹត្តនៅចំណុចវត្តគល់ទទឹង ភូមិកោះក្របី សង្កាត់ព្រែកថ្មី ខណ្ឌច្បារអំពៅ កាលពីថ្ងៃទី០១ ខែតុលា ឆ្នាំ២០២៣។
សមត្ថកិច្ចបានឲ្យដឹងថា ជនសង្ស័យឈ្មោះ ម៉ាន់ ភក្តី ភេទប្រុស ជនជាតិខ្មែរ មុខរបរ លក់ផ្កា ស្នាក់នៅភូមិព្រែកថ្មី សង្កាត់ ព្រែកថ្មី ខណ្ឌច្បារអំពៅ។
បច្ចុប្បន្នជនសង្ស័យ កំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌច្បារអំពៅ ដើម្បីកសាងសំណរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនិតីវិធី៕
