រាជធានីភ្នំពេញ ៖ ដោយមានការបញ្ជាដឹកនាំពីលោកវរសេនីយ៍ឯក អ៊ុក បូនីន អធិការនគរបាលខណ្ឌមានជ័យអោយកម្លាំងសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី៣ បានធ្វើការល្បាតយកចិត្តទុកដាក់ខ្ពស់ការពារសណ្តាប់ធា្នប់សន្តិសុខក្នុងមូលដ្ឋានអោយបានល្អប្រសើរ ហើយនៅថ្ងៃទី៦ខែតុលាឆ្នាំ២០២៣ម៉ោង៤និង៣០នាទីទៀបភ្លឺ កម្លាំងប៉ុស្តិ៍ស្ទឹងមានជ័យទី៣ធ្វើការឃាត់ខ្លួនជនសង្ស័យ៤នាក់ ក្រោយពីបានឆែករកឃើញរក្សាទុកនៅសារធាតុញៀនដោយខុសច្បាប់ ចំនួន៧កញ្ចប់។
-ជនសង្ស័យទី១ មានឈ្មោះ ចា ពៅ ភេទប្រុសអាយុ៣៧ឆ្នាំ
មុខរបរមិនពិតប្រាកដ ស្នាក់នៅផ្ទះជួល ភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
-ជនសង្ស័យទី២ ឈ្មោះឈិន ចាន់ដារ៉ាវី ភេទប្រុសអាយុ៣៥ឆ្នាំមុខរបរមិនពិត ប្រាកដស្នាក់នៅផ្ទះជួលភូមិ៥សង្កាត់ផ្សារដើមថ្កូវ ខណ្ឌចំការមនរាជធានីភ្នំពេញ។
-ជនសង្ស័យទី៣ឈ្មោះ បាន ទីទី ភេទប្រុស អាយុ៣១ឆ្នាំ មុខរបរមិនពិតប្រាកដ ស្នាក់ផ្ទះជួលភូមិ៥សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
-ជនសង្ស័យទី៤ឈ្មោះ យិន គឹមហ៊ួរ ភេទប្រុស អាយុ៣៦ឆ្នាំ មុខរបរមិនពិតប្រាកដ ស្នាក់ផ្ទះជួលភូមិ៥សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
បើតាមសម្ដីលោកវរៈសេនីយ៍ត្រី ឯម ភារី នាយប៉ុស្តិ៍នគរបាលរដ្ឋបាលស្ទឹងមានជ័យទី៣ បានប្រាប់ឲ្យដឹងថា នៅមុនពេលកើតហេតុ លោកបានបញ្ជាឲ្យកម្លាំងប៉ុស្តិ៍បានជិះម៉ូតូល្បាតក្នុងភូមិសាស្ត្រ ស្រាប់តែមកដល់ណុចផ្លូវបេតុងទៅបរីសូនីក៏បានឃើញជនសង្ស័យ៤នាក់ខាងលើ កំពុងតែអង្គុយនិយាយគ្នា និងមានម៉ូត២គ្រឿង ដោយមានការសង្ស័យសមត្ថកិច្ចក៏បានឃាត់ខ្លួនត្រួតពិនិត្យឆែកឆេររកឃើញក្រាមពណ៌សថ្លាចំនួន៧កញ្ចប់ធំ១តូច៦ ដែលជនសង្ស័យលាក់ទុកក្នុងកូនកាបូបជាប់និងសោរម៉ូតូ រួចសមត្ថកិច្ចក៏បានឃាត់ខ្លួនជនសង្ស័យយកមកធ្វើការសាកសួរនាំនៅប៉ុស្តិ៍នគរបាលរដ្ឋបាលស្ទឹងមានជ័យទី៣តែម្តង។
ក្រោយពីធ្វើការសាកសួររួចជនសង្ស័យត្រូវបានកម្លាំងសមត្ថកិច្ចប៉ុស្តិ៍នគរបាលរដ្ឋរដ្ឋបាលស្ទឹងមានជ័យទី៣កសាងសុំរឿងបញ្ជួនមកកាន់អធិការរដ្ឋានខណ្ឌមានជ័យដើម្បីចាត់ការតាមនីតិវិធីច្បាប់ ៕ អែល វិចិត្រ
_copy.jpg?1696659183)
