រាជធានីភ្នំពេញ ៖ រថយន្ត Mercedes Maybach ស៊េរីទំនើបមួយគ្រឿង បានរេចង្កូតមកបុករថយន្ត Mazda BT50 ដែលចតនៅចិញ្ចើមផ្លូវ បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ១២យប់ ឈានចូលថ្ងៃទី៩ ខែតុលា ឆ្នាំ២០២៣ នៅចំណុចផ្លូវកែវចិន្តា ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឱ្យដឹងថា មុនពេលកើតហេតុ គេបានឃើញយុវជនម្នាក់ បើករថយន្ត Mercedes Maybach ស៊េរីទំនើបមួយគ្រឿង ដែលពាក់ស្លាកលេខ ភ្នំពេញ2BU 6762 ធ្វើដំណើរតាមបណ្ដោយផ្លូវកែវចិន្ដា ក្នុងទិសដៅពីត្បូងទៅជើង មកដល់ចំណុចកើតហេតុ ក៏បានរេចង្កូតទៅបុកនឹងរថយន្ត Mazda BT50 គ្រឿងទៀត បណ្ដាលឲ្យរកការខូចខាតយ៉ាងដំណំតែម្តង។

ក្រោយកើតហេតុ អ្នកបើកបររថយន្ត Mercedes Maybachស៊េរីទំនើបខាងលើនោះ បានធ្វើការចេញសងថ្លៃខូចខាតទៅកាន់ រថយន្ត Mazda BT50 ដើម្បីបញ្ចប់រឿងនៅទីតាំងចំណុចកើតហេតុ ៕ Mrr Ka