រាជធានីភ្នំពេញ ៖ បុរសម្នាក់បើករថយន្តមិនប្រយ័ត្ន ទៅបុកនឹងរង្វង់មូលនាងកេណរ បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ១១យប់ ថ្ងៃទី៨ ខែតុលា ឆ្នាំ២០២៣ នៅចំណុចផ្លូវបេតុងOCIC ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត Ford Ranger មួយ គ្រឿង ដែលពាក់ស្លាកលេខ ភ្នំពេញ 2BK 3528 ធ្វើដំណើរតាមបណ្ដោយផ្លូវបេតុង OCIC ក្នុងទិសដៅពីត្បូងទៅជើង មកដល់ចំណុចកើតហេតុ ក៏បានបុកឡើងរង្វង់មូល នាងកេណរ បណ្ដាលឲ្យរងការខូចខាតយ៉ាងដំណំតែម្តង។

ក្រោយពេលកើតហេតុសមត្ថកិច្ចក៏បានមកដល់ បានធ្វើការវាស់វែង យករថយន្តខាងលើ យកទៅរក្សាទុកនៅឯស្នងការដ្ឋាននគរបាលរាជធានីភ្នំពេញ រង់ចាំម្ចាស់ចូលខ្លួនមកដោះស្រាយគ្នាតាមច្បាប់បន្តទៀត ៕ Mrr Ka