រាជធានីភ្នំពេញ ៖ ២នាក់ប្ដីប្រពន្ធ ជិះរម៉ករើសអេតចាយទាំងកណ្ដាលភ្លៀង ត្រូវបានរថយន្ដហាយឡែនឌ័រ បើកវ៉ា មកបុករះបណ្ដាលឲ្យរបួសធ្ងន់ប្តី រីឯប្រពន្ធវិញ ស្លាប់យ៉ាងរន្ធត់បំផុតនៅនឹងកន្លែង ។

ហេតុការណ៍នេះ​ បានកើតឡើងនៅតាមបណ្ដោយផ្លូវជាតិលេខ៦អា ស្ពានទី៣ ស្ថិតនៅក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ វេលាម៉ោង ៩យប់ ថ្ងៃទី៨ ខែតុលា ឆ្នាំ២០២៣ ។

តាមព័ត៌មានបឋមពីបងប្អូនប្រជាពលរដ្ឋ និងពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្ត Highlander មួយគ្រឿង ដែលពាក់ស្លាកលេខ ភ្នំពេញ 2AO 2863 ធ្វើដំណើរតាមបណ្ដោយផ្លូវជាតិលេខ៦អា ក្នុងទិសដៅពីជើងទៅត្បូង មកដល់ចំណុចកើតហេតុស្ពានទី៣ បើកវ៉ារថយន្ដមួយគ្រឿងទៀត មិនប្រយ័ត្ន​ក៏បើកបុករះត្រូវរម៉ករដឹកអេតចាយ បណ្ដាលឲ្យរបួសធ្ងន់ប្តី រីឯប្រពន្ធវិញ ស្លាប់យ៉ាងរន្ធត់បំផុតនៅនឹងកន្លែង ។ ភ្លាមនោះរថយន្តមិនទាន់អស់ល្បឿន ក៏បានបើកទៅបុកកង់បីឥណ្ឌាដែលចតនៅចិញ្ចើមផ្លូវ បណ្តាលឲ្យរកការខូចខាតយ៉ាងដំណំបន្ថែមទៀត ។ ចំណែកអ្នកបើកបររថយន្ត ត្រូវសមត្ថកិច្ចឃាត់ខ្លួនបានផងដែរ ។ ​

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែង យករថយន្តនិងរម៉ក ទៅរក្សាទុកនៅស្នងការដ្ឋាននគរបាលរាជធានៅភ្នំពេញ រង់ចាំដោះស្រាយគ្នាតាមច្បាប់ និងប្រគល់សពឲ្យសាច់ញាតិ ធ្វើបុណ្យតាមប្រពៃណី ៕ Mrr Ka