រាជធានីភ្នំពេញ ៖ នារីជាសង្សារស្រែកទ្រហ៊ោយំ បងអើយ! សង្សារខ្ញុំស្លា…ប់ហើយ ហេតុអ្វីបងទៅចោលអូន..... !! ខណៈយុវជនម្នាក់ឈ្មោះ វិច្ឆ័យ អាយុ ២០ឆ្នាំជាង ជានិស្សិត មានស្រុកកំណើតនៅខេត្តតាកែវ បានជួបគ្រោះថ្នាក់ចរាចរណ៍ នៅតាមបណ្ដោយផ្លូវ៣៧១ ក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ នាវេលាម៉ោង ១យប់រំលងអាធ្រាត ចូលថ្ងៃទី ១១ ខែតុលា ឆ្នាំ២០២៣ ។

តាមប្រព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេញកើតហេតុ គេបានឃើញយុវជនម្នាក់ ជិះម៉ូតូ Scoopy មួយគ្រឿង ធ្វើដំណើរតាមបណ្ដោយផ្លូវ៣៧១ ក្នុងទិសដៅពីលិចទៅកើត ។ ចំណែកម៉ូតូ Suzuki NEX ធ្វើដំណើរតាមបណ្ដោយផ្លូវ ៣៧១ ដូចគ្នា ក្នុងទិសដៅពីកើតមកលិច មកដល់ចំណុចកើតហេតុ ក៏បានបុកគ្នាពេញមួយទំហឹង បណ្ដាលឲ្យភាគីទាំងសង្ខាង ម្ខាងរបួសធ្ងន់២នាក់ ឯម្នាក់ទៀតត្រូវបានស្លាប់បាត់បង់ជីវិត នៅត្រង់ចំណុចកើតហេតុ ។

ក្នុងនោះបើតាម កាមេរ៉ាសុវត្ថិភាពពីបងប្អូនពលរដ្ឋ ឃើញថា ម៉ូតូទាំង២គ្រឿងនេះ បានបុកគ្នាពេញមួយទំហឹង ខណៈភាគីម្ខាងបានឡើងវ៉ាជែងរថយន្តមួយគ្រឿង ។

ក្រោយកើតហេតុ សមត្ថកិច្ចក៏បានមកដល់ ធ្វើការរបស់វែង យកម៉ូតូទាំង២គ្រឿង យកទៅរក្សាទុកនៅឯស្នងការដ្ឋាននគរបាលរាជធានីភ្នំពេញ រង់ចាំការដោះស្រាយគ្នានៅពេលក្រោយ និងប្រគល់សពទៅឲ្យសាច់ញាតិធ្វើបុណ្យតាមប្រពៃណី ៕ Mrr Ka