ខេត្តកណ្តាល ៖ ករណីឃាតកម្មដ៏សាហាវមួយបានកើតឡើង ដោយប្រជាពលរដ្ឋ បានប្រទះឃើញ សាកសពមនុស្សស្រីម្នាក់ កប់ក្នុងដី ហើមស្អុយ ស្បែកស្រោមដៃរបូតចេញ ភ្នែកខាងស្ដាំហើមប៉ោងលឹប ដៃទាំងពីររុំស្កុត ស ធ្មេញខាំអណ្ដាត កប់ក្នុងដី ចេញជើងមកក្រៅ ដែលស្ថិតនៅដីឡូត៍ទុកចោល ជិតផ្លូវក្រវ៉ាត់ក្រុងទី៣ ដែលស្ថិតភូមិព្រែកត្រែង សង្កាត់សិត្បូ ក្រុងតាខ្មៅ ខេត្តកណ្ដាល វេលាម៉ោង ២០និង៣០នាទី ថ្ងៃទី ១២ ខែ តុលា ឆ្នាំ២០២៣ ។

តាមរបាយការណ៍ពីសមត្ថកិច្ចជំនាញ បានឲ្យដឹងថា សពមិនស្គាល់អត្តសញ្ញាណ នោះទេ ភេទស្រី  អាយុប្រហែល៤០ឆ្នាំ កម្ពស់១.៦០ម៉ែត្រ សក់ស្លូតពណ៌ទង់ដែង ពាក់អាវដៃខ្លី អាវក្នុងពណ៌ខ្មៅ ស្លៀកខោជើងខ្លីពណ៌ខ្មៅឆែកជើងសងខាង លីអូពណ៌ខ្មៅ ត្រចកដៃលាបពណ៌ផ្កាឈូកភ្លឺផ្លេតៗ 

គ្រាន់តែទទួលបានព័ត៌មាននេះភ្លាម តាមបទបញ្ជាលោកអធិការ ក្រុងតាខ្មៅ បានបញ្ជាឲ្យអធិការរងទទួលការងារយុត្តិធម៌ និងកម្លាំងផ្នែកពិនិត្យវិភាគ កន្លែងកើតហេតុ។

ក្នុងនោះ តាមការបំភ្លឺរបស់ជាប្រជាពលរដ្ឋដែលនៅជុំវិញនិងបានអោយដឹងថានៅថ្ងៃទី១២ ខែតុលា ឆ្នាំ២០២៣ វេលាម៉ោង២០និង៣០នាទី បានប្រទះឃើញសាកសព ដេកស្លាប់កប់ក្នុងដី ចេញជើងមកក្រៅដែលស្ថិតនៅដីឡូត៍ទុកចោលជិតផ្លូវក្រវ៉ាត់ក្រុងទី៣ដែលស្ថិតភូមិព្រែកត្រែង សង្កាត់សិត្បូ ក្រុងតាខ្មៅ ខេត្តកណ្ដាល។ បន្ទាប់មកក៏បានរាយការណ៍ជូនអាជ្ញាធរភូមិសង្កាត់ និងសមត្ថកិច្ចផ្នែកជំនាញចុះមកពិនិត្យ ដោយស្ថានភាពកន្លែងកើតហេតុ

កន្លែងកើតហេតុ សាកសពកប់ក្នុងដី ជើងផ្ងារ បាតជើងខាងស្ដាំផុតចេញពីដីមកក្រៅ សាកសពពូនខ្សាច់ពីលើ និងដាក់ដុំថ្ម ជុំវិញគ្មានផ្ទះប្រជាពលរដ្ឋ ចម្ងាយពីផ្លូវក្រវ៉ាត់ក្រុងទី៣ ប្រហែល៣០០ម៉ែត្រ នៅខាងត្បូង ដោយហើមស្អុយ ស្បែកស្រោមដៃរបូតចេញ ភ្នែកខាងស្ដាំហើមប៉ោងលឹប ដៃទាំងពីររុំស្កុត ស ធ្មេញខាំអណ្ដាត គូទមានលាមក ។

តាមការសន្និដ្ឋាន យោងតាមលោកគ្រូពេទ្យនឹងជំនាញ ជនរងគ្រោះស្លាប់ដោយសារ ឃាតកម្ម ហើយពេលនេះសព ត្រូវបានយកទៅតម្កល់ទុកនៅមន្ទីរពេទ្យជ័យជំនះ ដើម្បីស្វែងរកសាច់ញាតិយកទៅធ្វើបុណ្យតាប្រពៃណី និងកំពុងស្រាវជ្រាវតាមចាប់ជនដៃដល់ យកមកផ្តន្ទាទោសតាមច្បាប់ឲ្យខាងតែបាន ៕ អែល មេសា