ខេត្តកោះកុង៖ រថយន្តម៉ាកស៊ាំយ៉ុងមួយគ្រឿង បានឆ្លងចរន្តភ្លើង បណ្តាលឲ្យឆេះខូចខាតទាំងស្រុង កាលពីវេលាម៉ោង២រសៀល ថ្ងៃទី៣០ ខែមេសា ឆ្នាំ២០២១ នៅចំណុចអន្ទង់អាំងធំ ចន្លោះគីឡូម៉ែត្រ ៦០-៦១ ក្នុងភូមិជីមាល ឃុំអណ្ដូងទឹក ។

សមត្ថកិច្ចស្នងការដ្ឋាននគរបាលខេត្តកោះកុង បានបញ្ជាក់ថា រថយន្តដែលឆេះនេះ ម៉ាកសាំយ៉ុង ពណ៌សំបកឪឡឹក ពាក់ស្លាកលេខ កំពត 2A-9899 បើកបរដោយឈ្មោះ ហង្ស សួង អាយុ៣៥ឆ្នាំ និងអ្នករួមដំណើរម្នាក់ ដឹកទំនិញពីខេត្តកោះកុងទៅខេត្តកំពត ត្រូវអគ្គីភ័យឆាបឆេះខូចខាតទាំងស្រុង តែមិនបណ្ដាលឲ្យមានមនុស្សរងរបួសទេ។

មូលហេតុ សមត្ថកិច្ចបញ្ជាក់ថា ឆ្លងចរន្តអគ្គីសនី ៕