ខេត្តបាត់ដំបង៖ ទីតាំងខារ៉ាអូខេមួយកន្លែង នៅស្រុកកំរៀង ប្រមូលផ្តុំផឹកស៊ីនិងប្រើប្រាស់គ្រឿងញៀន ត្រូវបានសមត្ថកិច្ចចុះបង្ក្រាប កាលពីវេលាម៉ោង ៥ល្ងាច ថ្ងៃទី១ ខែមេសា ឆ្នាំ២០២១ ក្នុងទីតាំងហាងខារ៉ាអូខេមួយ កន្លែងដែលមានយីហោ (អា ហារដ្ឋានពិភពថ្មី)ស្ថិតនៅចំណុចក្រុមទី០១ ភូមិបឹងរាំង ស្រុក កំរៀង ខេត្តបាត់ដំបង ។
ស្នងការដ្ឋាននគរបាលខេត្តបាត់ដំបង បញ្ជាក់ថា ការបង្ក្រាបនេះ មានការសម្របសម្រួលលើនីតិវិធី ពីឯកឧត្តម គឺ ប៊ុ ណ្ណារ៉ា ព្រះរាជអាជ្ញានៃអយ្យការអមសា លា ដំបូង ខេត្តបាត់ដំបង កម្លាំងការិយាល័យជំនា ញនគរបាលប្រឆាំងគ្រឿងញៀន នៃស្នងការដ្ឋាន សហការជាមួយ កម្លាំងនគរបាលនៃអធិការ ដ្ឋាននគរបាល ស្រុកកំរៀង ចុះឃាត់ខ្លួនមនុស្សប្រុសស្រី សរុបចំនួន២៦នាក់ ដែលពួកគេកំពុងប្រមូលផ្តុំផឹកស៊ី និងមានការប្រើប្រាស់គ្រឿង ញៀនផងយ៉ាងពពាក់ពពូន ក្នុងទីតាំងហាងខារ៉ាអូខេយីហោ (អា ហារដ្ឋានពិភពថ្មី) នេះ
ក្នុងប្រតិបត្តិការនេះ សមត្ថកិច្ចបានឃាត់ខ្លួនមនុ ស្ស ប្រុស ស្រីចំនួន២៦នាក់ រួមទាំងម្ចាស់ទីតាំងអ្នកចាត់ចែង និងដកហូតបាន ថ្នាំញៀនប្រភេទមេតំហ្វេតាមីន ម៉ាទឹកកក ចំនួន០១ថង់ ទម្ងន់ ៤,៤៤ ក្រាម រួមទាំងមធ្យោបាយផ្សេងទៀតមួយចំនួន។
នៅក្រោយពេលសាកសួរ សមត្ថកិច្ចបានរៀបចំបញ្ជូនពួកគេទៅកាន់សាលាដំបូងខេត្តបាត់ ដំ បង ចាត់ការតាមផ្លូវច្បាប់៕ ប្រភព៖ ស្នងការដ្ឋាននគរបាលខេត្តបាត់ដំបង
