ខេត្តព្រះសីហនុ៖ ជនសង្ស័យ៣នាក់ ត្រូវបានសមត្ថកិច្ចចាប់ឃាត់ខ្លួនជាបន្តបន្ទាប់ ពាក់ព័ន្ធករណីគ្រឿងញៀន ។

ក្នុងនោះ កាលពីវេលាម៉ោង ៣និង១០នាទីរសៀល ថ្ងៃទី៣០ ខែមេសា ឆ្នាំ២០២១ កម្លាំងជំនាញអធិការដ្ឋាន បានចុះធ្វើការចាប់ឃាត់ខ្លួនជនសង្ស័យម្នាក់ ឈ្មោះ ហេង ម៉េងហ៊ី ភេទប្រុស អាយុ២២ ឆ្នាំ មុខរបរមិនពិតប្រាកដ ស្នាក់នៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ នៅចំណុចថ្នល់បត់ ក្នុងភូមិខាងលើ ដកហូតម្សៅក្រាមសថ្លាសង្ស័យសារធាតុញៀនចំនួន០១ កញ្ចប់ (តូច) ម៉ូតូចំនួន ០១ គ្រឿង

ទូរសព្ទ័ចំនួន០១ គ្រឿង។

ក្រោយមកនៅវេលាម៉ោង៤ និង២០នាទីល្ងាច ជនសង្ស័យខាងលើបានសហការជាមួយកម្លាំងសមត្ថកិច្ច បន្តឃាត់ខ្លួនជនសង្ស័យ២ នាក់បន្ថែមទៀត ដែលមានឈ្មោះដូចខាងក្រោម៖ ១.ឈ្មោះ ញ៉ង កៅសូង ភេទប្រុស អាយុ១៨ ឆ្នាំ មុខរបរមិនពិតប្រាកដ (ម្ចាស់ថ្នាំ) និងទី២ឈ្មោះ អោក វាសនា ភេទប្រុស អាយុ១៧ ឆ្នាំ មុខរបរមិនពិតប្រាកដ មានទីលំនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ដកហូតបាន ម្សៅក្រាមសថ្លាសង្ស័យសារធាតុញៀនចំនួន០១ កញ្ចប់(តូច) ម៉ូតូចំនួន ០១ គ្រឿង ទូរសព្ទ័ចំនួន០១ គ្រឿង ។

ជុំវិញករណីនេះ សមត្ថកិច្ចជំនាញ កំពុងបន្តនីតិវិធីតាមផ្លូវច្បាប់៕