ខេត្តបាត់ដំបង៖ ជនសង្ស័យម្នាក់ត្រូវបានកម្លាំងជំនាញផ្នែកយុត្តិធម៌នៃអធិការដ្ឋាននគរបាលស្រុកភ្នំព្រឹកសហការជាមួយកម្លាំង ប៉ុស្តិ៍នគរបាលរដ្ឋបាលបួរធ្វើការចាប់ឃាត់ខ្លួនក្រោយលួងលោមកូនស្រីបង្កើតចាប់រំលោភបានសម្រេចជាច្រើនដង ។
ជនសង្ស័យមានឈ្មោះ ពៅ ទូច ហៅពៀញ ភេទប្រុសអាយុ ៣១ឆ្នាំ ស្នាក់នៅភូមិស្ពានទំនាបឃុំបួរស្រុកភ្នំព្រឹកខេត្តបាត់ដំបងត្រូវបានសមត្ថកិច្ចធ្វើការចាប់ឃាត់ខ្លួនកាលពីវេលាម៉ោង១និង៣០នាទីរសៀល ថ្ងៃទី៦ ខែឧសភា ឆ្នាំ២០២១ នៅចំណុចភូមិ ស្ពាន ទំនាបឃុំបួរស្រុកភ្នំព្រឹកខេត្តបាត់ដំបង ។
ការឃាត់ខ្លួននេះធ្វើឡើងតាមពាក្យបណ្តឹងរបស់ឈ្មោះ សុខ សារី ភេទស្រីអាយុ ៦៨ឆ្នាំ មានទីលំនៅភូមិស្ពានទំនាបឃុំបួរស្រុកភ្នំព្រឹកខេត្តបាត់ដំបងបានប្តឹងជនសង្ស័យខាងលើដែលធ្វើសកម្មភាពលួងលោមទៅលើកូនស្រីបង្កើតអាយុ១៥ ឆ្នាំបានសម្រេចជាច្រើនដង។
ករណីនេះជនសង្ស័យខាងលើសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តបាត់ដំបងដើម្បីចាត់ការតាមនីតិវិធី ច្បាប់ ៕ ប្រភព៖ អគ្គស្នងការដ្ឋាននគរបាលជាតិ
