បន្ទាយមានជ័យ៖ឃាត់ខ្លួនជនសង្ស័យ៣នាក់ដែលធ្វើសកម្មភាពលួចគាស់ផ្ទៈយកម៉ូតូ១គ្រឿងនិងទ្រព្យសម្បត្តិនៅក្រុងប៉ោយប៉ែតត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី០៦ ខែឧសភា ឆ្នាំ២០២១។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា៖ជនសង្ស័យ៣នាក់ត្រូវឃាត់ខ្លួនមាន១.ឈ្មោះ ខាំ សុង ហៅដឺន ភេទប្រុសអាយុ៣៧ឆ្នាំ ២.ឈ្មោះ ឌៀប សុឃឿន ហៅវិត ភេទប្រុសអាយុ៣៧ឆ្នាំ(ធ្វើសកម្មភាពលួច) ៣.ឈ្មោះ ហេង ភេទប្រុសអាយុ៤០ឆ្នាំ(អ្នកទទួលទិញ)រស់នៅភូមិ.សង្កាត.ក្រុងប៉ោយប៉ែត។
លោកបានបញ្ជាក់ថា៖ក្រោយទទួលព័ត៌មាននិងបណ្តឹងឈ្មោះ លឹម ជីម៉េង ភេទប្រុសអាយុ៣៧ឆ្នាំរស់នៅភូមិមិត្តភាពសង្កាត់.ក្រុងប៉ោយប៉ែត បានប្តឹងកាលពីម៉ោង១យប់រំលងអាត្រាធចូលថ្ងៃទី០៥ ខែឧសភា ឆ្នាំ២០២១ នៅទល់មុខសណ្ឋាគារលីហេងឆាយស្ថិតភូមិអូរជ្រៅ សង្កាត់.ក្រុងប៉ោយប៉ែតមានជនសង្ស័យ១ក្រុមធ្វើសកម្មភាពលួចគាស់ផ្ទៈយកម៉ូតូ១គ្រឿង និងសម្ភារៈមួយចំនួន។
លោកវរៈសេនីយ៍ត្រី នួន នីណារ៉ូ បានបញ្ជាក់ថា៖ក្រោយទទួលពាក្យបណ្តឹងកម្លាំងកងរាជអាវុធហត្ថក្រុងប៉ោយប៉ែត បានធ្វើការស្រាវជ្រាវកំណត់មុខសញ្ញាឃាត់ខ្លួនជនសង្ស័យ៣នាក់មាន២នាក់ដែលធ្វើសកម្មភាពលួចគាស់ផ្ទៈម្នាក់ទទួលទិញផលចោកម្មម៉ូតូ១គ្រឿងក្រោយពេលសាកសួរហើយត្រូវបានកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់៕ដោយ៖ចិន្ត្រា
