រាជធានីភ្នំពេញ ៖ បុរសម្នាក់ បានរងរបួសស្រាល ត្រូវបានក្រុមគ្រួសារបញ្ជូនទៅសង្គ្រោះព្យាបាលនៅមន្ទីរពេទ្យ ក្នុងករណីគ្រោះថ្នាក់ចរាចរណ៍ រថយន្តស្ទូចមួយគ្រឿង បានបើកបុករះបង្គោលភ្លើង ទាំងកំរោល នៅវេលាម៉ោង ៣យប់ឈានចូលថ្ងៃទី១០ ខែឧសភា ឆ្នាំ ២០២១ នៅតាមបណ្ដោយផ្លូវជាតិលេខ៦អា ក្នុងសង្កាតព្រៃលាប ខណ្ឌជ្រោយចង្វា រាជធានីភ្នំពេញ។

យោងតាមប្រភពព័ត៌មានពីសមត្ថកិច្ចមូលដ្ឋាន បានបញ្ជាក់ប្រាប់ក្រុមការងារ TVFB ថាមុនពេលកើតហេតុ គេបានឃើញរថយន្តស្ទូចខាងលើ បើកបរតាមបណ្ដោយផ្លូវជាតិ៦អាដោយមានអ្នករួមដំណើរជាមួយចំនួន៣នាក់ មកចំណុចកើតហេតុមុខវត្តព្រៃលាប ក៏បានបើកឡើងសួនពុះចែកផ្លូវជាតិលេខ៦អា បុករះបង្គលភ្លើងមួយដើម និងស្លាក់ប៉ាណូមួយដើមទៀត បណ្តាលអោយរថយន្តត្រូវជាប់ទៅមុខលែងរួច និងបុរសម្នាក់ បានរងបួសធ្ងន់ ត្រូវបានក្រុមគ្រួសារដឹកបញ្ជូនទៅមន្ទីរពេទ្យដើម្បីសង្គ្រោះបន្ទាន់ ភ្លាមនោះសមត្ថកិច្ចបានមកដល់បានធ្វើការសួរនាំអ្នករួមដំណើ២នាក់ទៀតដែលនៅក្នុងរថយន្ដនោះផងដែរ។

ក្រោយកើតហេតុ សមត្ថកិច្ចបានធ្វើការវាស់វែង យករថយន្តខាងលើ ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមច្បាប់បន្តទៀត ៕