ខេត្តបាត់ដំបង៖ ជនសង្ស័យម្នាក់ ត្រូវបាននគរបាលស្រុកបវេល ធ្វើការចាប់ឃាត់ខ្លួន ក្រោយជនសង្ស័យរូបនេះ បានធ្វើសកម្មភាពលួចម៉ូតូរបស់គេបានសម្រេចនៅក្នុងស្រុកថ្មគោល ហើយជិះរត់គេចខ្លួនមកស្រុកបវេល កាលពីថ្ងៃទី១០ ខែ ឧសភា ឆ្នាំ ២០២១ វេលា ម៉ោង ១រសៀល នៅក្រុមទី៧ ភូមិថ្មី ឃុំបន្សាយត្រែង ស្រុកថ្មគោល ខេត្តបាត់ដំបង ។

ស្នងការដ្ឋាននគរបាលខេត្តបាត់ដំបងបញ្ជាក់ថា ជនសង្ស័យរូបនេះ បានធ្វើសកម្មភាពលួចម៉ូតូមួយគ្រឿង ម៉ាកហុងដាឌ្រី មសេ១២៥ ស៊េរី២០១៦ ពណ៌ ខ្មៅ ពាក់ស្លាកលេខ បាត់ដំបង 1X-0161 ជារបស់ជនរងគ្រោះឈ្មោះ ហន តុញ ភេទប្រុស អាយុ៣៩ ឆ្នាំ រស់នៅ ភូមិថ្មី ឃុំបន្សាយត្រែង ស្រុកថ្មគោល ខេត្តបាត់ ដំបង។

បន្ទាប់ពីមានហេតុការណ៍នេះកើតឡើង កម្លាំងជំនាញ របស់អធិការដ្ឋាននគរបាលស្រុក សហការជា មួយ កម្លាំងប៉ុស្តិ៍នគរបាលរដ្ឋបាលបន្សាយត្រែង ប៉ុស្តិ៍រូងជ្រៃរួមនិងកម្លាំងជំនាញនៃអធិការដ្ឋាននគរ បាលស្រុកបវេលផង បានធ្វើការស្រាវជ្រាវ និង ឈានដល់ការ បង្ក្រាបឃាត់ខ្លួនបានជនសង្ស័ យម្នាក់ឈ្មោះ ឆាយ ឆេត ភេទប្រុស អាយុ ២៦ ឆ្នាំ រស់នៅ ភូមិស្លខ្លាញ់ ឃុំបវេល ស្រុកបវេល នៅ ចំណុចវាលក្រឡ ស្ថិតក្នុងភូមិបវេល២ ឃុំបវេលស្រុកបវេល ក្នុងខណៈដែលជនសង័្ស យ យកម៉ូតូដែលលួចបានទៅលាក់ទុកនៅមូល ដ្ឋាននោះ និងដកហូតបានម៉ូតូជនរងគ្រោះយកមកវិញផងដែរ។

ពេលនេះសមត្ថកិច្ចបានប្រគល់ម៉ូតូជូនជនរងគ្រោះវិញ និងកំពុងកសាងសំ ណុំរឿងបញ្ជូនខ្លួនជនសង្ស័យ មកការិយាល័យជំនាញដើម្បីចាត់ការ បន្តតាមនីតិវិធីច្បាប់៕