រាជធានីភ្នំពេញ៖ អគ្គិភ័យមួយបានឆាបឆេះឃ្លាំងមួយកន្លែងយ៉ាងសន្ធោសន្ធៅ បង្កការភ្ញាក់ផ្អើលដល់បងប្អូនប្រជាពលរដ្ឋ និងកងកម្លាំងសមត្ថកិច្ចចុះមកធ្វើការបាញ់ពន្លត់ កាលពីវេលាម៉ោង ៥ និង៣០នាទីព្រឹក ថ្ងៃទី១២ ខែឧសភា ឆ្នាំ២០២១ នៅចំណុចឃ្លាំងមួយកន្លែង តាមបណ្តោយផ្លូវសហព័ន្ធរុស្ស៉ី ភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ។
នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានបញ្ជាក់ថា ម្ចាស់ឃ្លាំងខាងលើ មានឈ្មោះ ហាក់ ចិន្តា ភេទ ប្រុស អាយុ ៣៦ ឆ្នាំ មុខរបរ មេការគ្រប់គ្រងការដ្ឋាន ត្រូវបានអគ្គិភ័យឆាបឆេះ ទូកុងទីន័រ (ទំហំ ២ម៉ែត្រ x ៨ម៉ែត្រ) ឆេះសម្ភារៈស្កុតរុំទុយោ កៅអី ជក់សម្ភារៈមួយចំនួន និងពុំបណ្តាលអោយរាលដាលដល់ផ្ទះអ្នកជិតខាងឡើយ។
ភ្លាមៗគេឃើញមាន រថយន្តការិយាល័យអគ្គិភ័យ ចំនួន ០៤ គ្រឿង បានចុះមកបាញ់ពន្លត់ ដោយប្រើប្រាស់ទឹកអស់ចំនួន ០៤ ឡាន ស្មើរនឹង ១៦ ម៉ែត្រគូប បណ្តាលមកពីឆ្លងចរន្តអគ្គិសនី ទើបរលត់ទៅវិញ នៅវេលាម៉ោង ០៦និង២០នាទីព្រឹក នាថ្ងៃខែឆ្នាំដដែរ ៕
