បុរសម្នាក់ត្រូវបាន សមត្ថកិច្ច បាន ធ្វើការ ឃាត់ខ្លួន ជា បណ្ដោះអាសន្ន ដើម្បីយកធ្វើការសាកសួរករណីរំលោភហើយសម្លាប់ក្មេងស្រីឃ្វាលគោម្នាក់ស្ថិតនៅភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់ កាលពី ថ្ងៃ ទី ២៣ ខែកញ្ញា ឆ្នាំ២០២៤ វេលា ម៉ោង ១២និង៥ នាទី ចំណុច ត្រពាំង សម្រែ ។

បុរសសង្ស័យមានឈ្មោះ សេ ប យ៉ា អាយុ ៣៦ ឆ្នាំ មុខរបរ ធ្វើស្រែ ស្នាក់ នៅ បណ្ដោះអាសន្ន ក្នុង រោង មើល ក្របី ក្បែរ កន្លែង កើតហេតុ ទីលំនៅ បច្ចុប្បន្ន ភូមិ ទន្សាយគល់ ឃុំ អន្លង់ ត្នោត ស្រុក ក្រគរ ខេត្តពោធិ៍សាត់

គួររំលឹកថា៖សមត្ថកិច្ចនគរបាលស្រុកក្រគរ ខេត្តពោធិ៍សាត់ បានបើកការស្រាវជ្រាវយ៉ាងក្តៅគុគចំពោះករណីរំលោភសម្លាប់ក្មេងស្រីឃ្វាលគោម្នាក់ នៅស្រុកក្រគរ ក្រោយពីក្រុមគ្រួសារបានរកឃើញសាកសពនៅចំណុចត្រពាំងសម្រែ ក្នុងចំការស្វាយចន្ទី ស្ថិតនៅភូមិខ្លាក្រពើ ឃុំអន្លង់ត្នោត ស្រុកក្រគរ ខេត្ដពោធិ៍សាត់វេលាម៉ោងវេលាម៉ោង១២រំលងអធ្រាត្រ

ឈានចូលថ្ងៃទី២៣ ខែកញ្ញាឆ្នាំ២០២៤។

តាមការរៀបរាប់របស់ឪពុកជនរងគ្រោះឈ្មោះ ផេម ផាន អាយុ៦៦ឆ្នាំ ឲ្យដឹងថា កូនស្រីរបស់គាត់ឈ្មោះភឿង ស្រីលក្ខណ៍ អាយុ១៦ឆ្នាំសញ្ជាតិខ្មែរ ជាសិស្សថ្នាក់ទី៩(D) នៃអនុឲវិទ្យាល័យអន្លង់ត្នោត រស់នៅភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់។

រៀងរាល់ថ្ងៃក្រោយពេលត្រឡប់មកពីសាលាវិញ

កូនរបស់គាត់តែងយកគោទៅឃ្វាលនៅចំណុច

ចំការស្វាយចន្ទី មានចម្ងាយប្រហែល២០០ម៉ែត្រ ពីផ្ទះ ស្រាប់តែនៅថ្ងៃកើតហេតុល្ងាចថ្ងៃទី២២ ខែកញ្ញា ឆ្នាំ២០២៤នេះ មិនឃើញកូនដេញគោត្រឡប់មកផ្ទះវិញ ដោយមានសង្យ័យ រូបគាត់និងញ្ញាតិមិត្តបានគ្នាដើររកក៏ប្រទះឃើញកូនដេកស្លាប់យ៉ាងអានោចអាធម្មក្នុងព្រៃហើយបានរាយការណ៍ជូនសមត្ថកិច្ច។

លោកវរ:សេនីយ៍ឯកមោគ ភារម្យ អធិការនគរបាលស្រុកក្រគរក្រោយពីទទួលបានព័ត៌មានកម្លាំងប៉ុស្ដិ៍នគរបាលរដ្ឋបាល អន្លង់ត្នោត សហការជាមួយកម្លាំងអធិការដ្ឋាននគរបាលស្រុកក្រគរ បានចុះដល់កន្លែងកើតភ្លាមៗ លុះព្រឹកថ្ងៃទី២៣ខែកញ្ញា ទើបមន្ត្រីនគរបាលជំនាញនិងគ្រូពេទ្យបានពិនិត្យធ្វើកោលសវិច្ច័យ ហើយបានសន្និដ្ឋានថា ជនរងគ្រោះត្រូវជនមិនស្គាល់អត្តសញ្ញាណរំលោភហើយសម្លាប់៕