បន្ទាយមានជ័យ៖ ឃាត់ខ្លួនជនសង្ស័យម្នាក់ដែលជាមុខសញ្ញាមេខ្យល់នាំពលករឆ្លងដែនដោយខុសច្បាប់យ៉ាងសកម្មដែលឃាត់នៅថ្ងៃទី១៣ ខែឧសភា ឆ្នាំ២០២១នៅភូមិសង្កែ ឃុំបឹងបេង ស្រុកម៉ាឡៃ។

លោកវរៈសេនីយ៍ឯក បេន សំអាត អធិការនគរបាលស្រុកម៉ាឡៃបានប្រាប់ថា៖ជនសង្ស័យឈ្មោះ ស ម៉ាប់ ភេទប្រុសអាយុ៣៣ឆ្នាំរស់នៅភូមិខាងលើ។

លោកបានបញ្ជាក់ថា៖ នៅពេលឃាត់ខ្លួនជនសង្ស័យជាមេខ្យល់ ជាការណែនាំពីលោកឧត្តមសេនីយ៍ឯក សម វណ្ណវីរៈ ប្រធាននាយកដ្ឋានសន្តិសុខផ្ទៃក្នុង ហើយកម្លាំងចម្រុះមានកម្លាំងវរៈការពាតព្រំដែនគោក និងកម្លាំងយោធានិងកម្លាំងអធិការដ្ឋាននគរបាលស្រុកបានស្រាវជ្រាវកំណត់មុខសញ្ញាឃាត់ខ្លួនជនសង្ស័យឈ្មោះ ស ម៉ាប់ ដែលជាមុខសញ្ញាមេខ្យល់នាំពលករលួចឆ្លងដែនយ៉ាងសកម្មភូមិសាស្គ្រស្រុកម៉ាឡៃ។

លោកវរៈសេនីយ៍ឯក បេន សំអាត បានបញ្ជាក់ថា៖ ក្រោយពេលឃាត់ខ្លួនហើយបាននាំយកសាលសួររួចដោយយោងតាមចម្លើយសារភាពត្រូវបានរៀបចំសំណុំរឿងដើម្បីអនុវត្តតាមច្បាប់បន្ត៕ដោយ៖ចន្ត្រា