បន្ទាយមានជ័យ៖ ឃាត់ខ្លួនក្មេងទំនើង២នាក់ក្នុងបក្ខពួកដែលធ្វើសកម្មភាពកាប់លើជនរង២នាក់បណ្តាលរបួសនៅវេលាម៉ោង០៨យប់ថ្ងៃទី១៣ ខែឧសភា ឆ្នាំ២០២១នៅភូមិគោករមៀត ឃុំបន្ទាយឆ្មារ ស្រុកថ្មពួក។
មន្ត្រីអធិការដ្ឋាននគរបាលស្រុកថ្មពួកបានប្រាប់ថា៖ជនសង្ស័យ២នាក់មាន១.ឈ្មោះ មុំ សុណា ភេទប្រុសអាយុ២១ឆ្នាំរស់នៅភូមិគោកខ្ពស់ ឃុំគោកកឋិន ស្រុកថ្មពួក ២.ឈ្មោះ ទីន ប្រុស ហៅញ៉ូវ ភេទប្រុសអាយ២៥ឆ្នាំរស់នៅភូមិភ្នំធំ ឃុំអូរប្រាសាទ ស្រុកមង្គលបូរី។
មន្ត្រីនគរបាលបានប្រាប់ថា៖ក្រោយទទួលពាក្យបណ្តឹងជនរងគ្រោះឈ្មោះ សិទ្ធិ ហេង ហៅពេជ្រ ភេទប្រុសអាយុ២៧ឆ្នាំរបួសចិញ្ចើមខាងស្តាំ៤ធ្នេរ និងឈ្មោះ សេង ចំរើន ហៅស្នា ភេទប្រុសអាយុ២៧ឆ្នាំរបួសខ្នងនិងឆ្អឹងជំនីខាងស្តាំ ដែលមានក្មេងទំនើង១ក្រុមធ្វើសកម្មភាពកាប់ហើយបើកម៉ូតូរត់បាតអស់។
មន្ត្រីនគរបាលបានបញ្ជាក់ថា៖ក្រោយទទួលបណ្តឹងមន្ត្រីនគរបាលបានធ្វើការស្រាវជ្រាវកំណត់មុខសញ្ញាឃាត់ខ្លួនជនសង្ស័យ២នាក់ក្នុងចំណោមបក្ខពួកធ្វើសកម្មភាពកាប់លើជនរងគ្រោះ ដើម្បីយកសាកសួរនៅអធិការដ្ឋាននគរបាលស្រុកថ្មពួក។តាមចម្លើយសារភាពមូលហេតុពួកគេកាប់ទៅលើជនរងគ្រោះព្រោះគំនុំខឹងដែលក្រុមជនរងគ្រោះធ្លាបស្ទាក់ដេញកាប់ពួកគេទើបដេញកាប់វិញក្រោយពេលសាកសួរហើយត្រូវបានកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់៕ដោយ៖ចន្ត្រា
