រាជធានីភ្នំពេញ ៖  អាណិតណាស់ បងៗសមត្ថកិច្ចពីរនាក់ជិះម៉ូតូ ធ្វើដំណើរចេញទៅប្រចាំការនៅគោលដៅបំរាមគោចរ ជួបគ្រោះថ្នាក់ចរាចរណ៍រងរបួស ត្រូវរថយន្តសាមុយដឹកយកទៅព្យាបាលនៅមន្ទីពេទ្យ ហេតុការណ៍នេះបានកើតឡើងនៅវេលាម៉ោង ៨ យប់ ថ្ងៃទី១៤ ខែឧសភា ឆ្នាំ ២០២១ តាមបណ្ដោយផ្លូវ៥១ កែងនឹងផ្លូវ១៣៦ ស្ថិតនៅក្នុងសង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។

យោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញសមត្ថកិច្ច ២ នាក់ជិះម៉ូតូម៉ាកស៊ីរូស ពាក់ស្លាកលេខ នគរបាល ១០៥២ ធ្វើដំណើរតាមបណ្ដោយផ្លូវ៥១  ក្នងទិសដៅពីជេីងទៅត្បូង ខណៈមកដល់ចំណុចកើតហេតុផ្លូវបែកជាបួន ស្រាប់តែមាន បុរសម្នាក់ទៀត ជិះម៉ូតូ ម៉ាកHonda Beat ពាក់ស្លាកលេខ ភ្នំពេញ 1HX -5471 ធ្វេីដំណេីរតាមបណ្ដោយផ្លូវ១៣៦ ក្នុងទិសខ្វែងគ្នា មកបុកជាមួយម៉ូតូសមត្ថកិច្ច នៅនឹងចំណុចកើតហេតុខាងលើបណ្ដាលឱ្យសមត្ថកិច្ចទាំងពីរនាក់ដួលបោក ទៅនឹងថ្នល់រងរបួសជើងទាំងពីរនាក់ ត្រូវបានរថយន្តសាម៉ុយ បញ្ចូនទៅមន្ទីពេទ្យ។

ក្រោយពេលកើតហេតុ សមត្ថកិច្ចជំនាញចរាចរជើងគោកធ្វើការវាស់វែងយកម៉ូតូទាំង២នាក់ ទៅរក្សាទុកនៅអធិការដ្ឋាននគរបាលខណ្ឌដូនពេញ រង់ចាំភាគីទាំងសង្ខាងដោះស្រាយនៅពេលក្រោយ។