នាគមាស&សុខសាន្ត លួចបើកបង្រ្កប់សេវាផ្លូវភេទ ធំក្លិនបញ្រ្ចាសខ្យល់ដល់កម្លាំងជំនាញខេត្ដចុះបង្រ្កាប រំដោះក្មេងស្រី ស្រីចំណាស់ ប្រគល់ជូនសង្គមកិច្ច...

ខេត្តកំពង់ស្ពឺ៖ យោងតាមផេកផ្លូវការរបស់ ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា ដោយបានការអនុញ្ញាតិនិងការណែនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កាលពីថ្ងៃទី១៩ ខែឧសភា ឆ្នាំ២០២៥ វេលាម៉ោង៤ រសៀល កម្លាំងការិយាល័យប្រឆាំងការជួញដូរមនុស្ស និងការពារអនីតិជន ដឹកនាំដោយលោកស្រី ឧត្តមសេនីយ៍ត្រី ងិន សុគន្ធា ស្នងការរង និងបានការសម្របសម្រួលនីតិវិធីផ្ទាល់ពីលោក រ៉ែន នរិទ្ធ ព្រះរាជអាជ្ញារង អយ្យការ អមសាលាដំបូងខេត្ដកំពង់ស្ពឺ កំលាំងនគរបាលប្រតិបត្ដិការស្រាវជ្រាវដល់ទីតាំង ខារ៉ាអូខេយីហោ នាគ មាស និងផ្ទះសំណាក់យីហោ សុខ សាន្ត ស្ថិតនៅភូមិឡ ឃុំប្រាំបីមុម ស្រុកថ្ពង ខេត្តកំពង់ស្ពឺ។

ក្នុងប្រតិបត្តិការនេះ សមត្ថកិច្ចបានអនុវត្ដនិងឃាត់ខ្លួន មនុស្ស ០២នាក់ តាមការបញ្ជាក់ឲ្យដឹងពីលោកស្រី វរសេនីយ៍ឯក មួន មល្លិកា នាយការិយាល័យ ថា បុរសទាំង ២នាក់ ជាម្ចាស់ទីតាំង KTV និង ផ្ទះសំណាក់ ខាងលើ ៖

១- ឈ្មោះ ឃ្លាំង ភារម្យ ភេទប្រុស អាយុ ៣៥ឆ្នាំ ( ម្ចាស់ទីតាំងខារ៉ាអូខេ KTV )

២- ឈ្មោះ តុញ ខ្លី ភេទប្រុស អាយុ ៣៧ឆ្នាំ ( ជាម្ចាស់ផ្ទះសំណាក់ )

ក្នុងប្រតិបត្តិការខាងលើនេះដែរ សមត្ថកិច្ចនគរបាល បានធ្វើការសង្គ្រោះនារីវ័យក្មេង និងនារីចំណាស់ បានចំនួន ៨នាក់ ក្នុងនោះ ជាអនីតិជន ៥នាក់និងធ្វើការចាប់យក ដកហូតស្រោមអនាម័យដែលភ្ញៀវប្រើប្រាស់រួចទម្លាក់ចូលក្នុងធុងសំរាម ដោយមាននូវទឹក... ចំនួន ០២ស្រោម យោងតាមការសម្ភាសន៍បឋមពីនារីនៅទីនោះ។

ដោយផ្អែកលើភស្ដុតាងនិងចម្លើយសមត្ថកិច្ចបានធ្វើការបញ្ជូនម្ចាស់ទីតាំងរួមជាមួយ នារីរងគ្រោះទាំង៨នាក់ មកកាន់ការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តកំពង់ស្ពឺ ដើម្បីចំណាត់ការនីតិវិធីបន្ដ ។ ចំណែកក្មេងស្រីរងគ្រោះបានប្រគល់ជូនមន្ទីរសង្គមកិច្ចខេត្ត ធ្វើការរកដៃរគូរ សហការបណ្ដុះបណ្ដាលជំនាញតាមលទ្ធភាពជួយដល់ក្មេងស្រីរងគ្រោះ រីឯម្ចាស់ទីតាំង បានកសាងសំណុំរឿងបញ្ចូន ទៅអយ្យការចាត់ការតាមនីតិវិធីច្បាប់៕