រាជធានីភ្នំពេញ៖ រឿងរ៉ាវផិតក្បត់មួយទៀតបានកើតឡើងទាំងយប់ ប្តីបានស្រែកឆោឡោនៅមុខបន្ទប់មួយកន្លែង ដោយសារបានតាមទាន់ប្រពន្ធលួចយកប្រុសសាហាយ មកដេកនេបនិតយ៉ាងត្រេកត្រអាល គ្មានអាសូរចិត្តប្តីទាល់តែសោះ។

រឿងរ៉ាវហួសចិត្ត ប្តីតាមទាន់ប្រពន្ធហ៊ានផិតក្បត់ប្តីបែបនេះគឺកើតឡើងនៅចំណុចបន្ទប់ផ្ទះជួលលេខ២៨B ជាន់ទី២ ភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។

អង្គុយនៅមុខបន្ទប់ជួល ខណៈឃើញប្រពន្ធនៅជាមួយប្រុសសាហាយ ប្តីបានតែរៀបរាប់ទាងអួលដើមក ដោយមិននឹកស្មានថាប្រពន្ធជាទីស្រលាញ់ហ៊ានធ្វើរឿងអាក្រក់បែបនេះសោះ បុរសជាប្តីមានឈ្មោះ ក្រិត ពៅ អាយុ ៣១ឆ្នាំ មុខរបរកម្មកររោងចក្រ ស្នាក់នៅបន្ទប់ជួលក្បែរកន្លែងកើតហេតុខាងលើ បានរៀបរាប់ប្រាប់អ្នកសារព័ត៌មានថា ប្រពន្ធរបស់គាត់មានឈ្មោះ សាក់ ស្រីភ័ស្ត អាយុ ២៧ឆ្នាំ មុខរបរកម្មការិនីរោងចក្រដូចគ្នា បានរៀបការជាមួយគ្នាកាលពីឆ្នាំ២០១១ នៅឯស្រុកកំណើតខាងគាត់ក្នុងស្រុកព្រះស្តេច ខេត្តព្រៃវែង រហូតមកដល់សព្វថ្ងៃមានរយៈពេល១០ ឆ្នាំហើយ ដោយមានកូនប្រុសស្រីនៅក្នុងបន្ទុកពីរនាក់ថែមទៀត។

ចំពោះភាគីប្រពន្ធវិញបាននិយាយនៅចំពោះមុខបណញតាញព័ត៍មានថាពេលរៀបការជាប្តីប្រពន្ធមិនដែលរស់នៅមានសេច្តីសុខនឹងគ្នា ពោលតែងតែឈ្លោះប្រកែកគ្នារហូត នឹងបានទៅលែងលះគ្នានៅសាលាឃុំដែរ តែប្តីមិនលែងជាដាច់ខាត។

ទោះយ៉ាងណាប្តីប្រពន្ធនេះបានចាកចេញពីស្រុកកំណើតមករស់នៅភ្នំពេញធ្វើការជាកម្មកររោងចក្រដូចគ្នាក៍ពួកគាត់ រស់នៅមិនចុះសម្រុងគ្នាទៀត គឺតែងតែឈ្លោះគ្នាជាញឹកញាប់ ហើយរយៈពេល១ខែចុងក្រោយនេះ ប្រពន្ធគាត់បានវេចបង្វេចរត់ចោលរូបគាត់ជាប្តីមករស់នៅបន្ទប់ជួលផ្សេង។

ក្រោយមករូបគាត់ជាប្ដីបានតាមដានដឹងថាប្រពន្ធរបស់គាត់មកនៅបន្ទប់ជួលផ្សេងក្បែរកន្លែងគាត់ស្នាក់នៅដែរ លុះរយៈពេលមួយ អាទិត្យក្រោយមកដោយមានការសង្ស័យព្រោះរូបគាត់ជាប្ដីបានទូរស័ព្ទទៅប្រពន្ធដើម្បីចង់សួរសុខទុក្ខ តែប្រពន្ធបានប្រាប់ថាឈប់ខលមករកគេទៀតទៅ! ធ្វើឲ្យរូបគាត់ជាប្តីរឹតតែមានការសង្ស័យថែមទៀត។ លុះដល់ម៉ោងកើតហេតុខាងលើ គាត់ក៏បានដើរមកមើលប្រពន្ធ ដល់បន្ទប់ជួល ដោយអើតមើលក្នុងបន្ទប់ឃើញនៅម្នាក់ឯង រួចក៏បានដើរចេញមកវិញ ស្រាប់តែឮសំឡេងមនុស្សប្រុស ទើបដឹងថាប្រពន្ធនាំប្រុសមកដេកដល់ក្នុងបន្ទប់ ភ្លាមៗនោះរូបគាត់បានយកដែកចងទ្វារជាប់មិនឱ្យចេញទៅណាទេ ទើបបង្កឲ្យមានការភ្ញាក់ផ្អើលដល់បងប្អូនស្នាក់នៅបន្ទប់ជួលក្បែរគ្នារាយការណ៍ជូនសមត្ថកិច្ចឲ្យចុះមកជួយធ្វើអន្តរាគមន៍។

ប្រពន្ធបញ្ជាក់ថាស្គាល់ប្រុសសាហាយនេះ ក្រោយពីបានស្នាក់នៅបន្ទប់ជួលម្នាក់ឯងមក រូបនាងក៏មានទំនាក់ទំនងជាមួយបុរសម្នាក់តាមរយ:លេងTiktok ជាមួយគ្នារយៈពេលមួយ អាទិត្យ ហើយបានហៅបុរសខាងលើមកដេកដល់ក្នុងបន្ទប់ជួល ទើបប្ដីតាមទាន់ឃាត់ខ្លួនប្រគល់ជូនសមត្ថកិច្ចតែម្តង។

បច្ចុប្បន្នប្ដីប្រពន្ធនិងប្រុសដែលជាសហាយស្មន់ត្រូវបានកម្លាំងសមត្ថកិច្ចនាំខ្លួនយកទៅប៉ុស្តិ៍នគរបាលរដ្ឋបាលត្រពាំងក្រសាំង ដើម្បីធ្វើការសួរនាំនិងបន្តតាមនីតិវិធីច្បាប់៕