បន្ទាយមានជ័យ៖ ក្មេងស្ទាវ១ក្រុមមានគ្នា៦នាក់បានកាប់ស្ត្រីម្នាក់ចំកំភួនដៃឆ្វេងបណ្តាលរបួសធ្ងន់កាលពីថ្ងៃទី១៦ ខែមេសា ឆ្នាំ២០២១ស្ថិតនៅភូមិស្ទឹង ឃុំរលួស ស្រុកស្វាយចេក។

លោកវរៈសេនីយ៍ឯក ជា ឈ្លូញ អធិការនគបាលស្រុកស្វាយចេកបានប្រាប់ថា៖ស្ត្រីរងគ្រោះឈ្មោះ សុ សុធាតា អាយុ១៦ឆ្នាំរស់នៅភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ។

លោកបានបញ្ជាក់ថា៖នៅពេលស្ត្រីរងគ្រោះត្រូវបានក្មេងស្ទាវ១ក្រុមកាប់បណ្តាលរបួសដៃធ្ងន់ គឺស្ត្រីរងគ្រោះបានជិៈម៉ូតូ១គ្រឿងមានគ្នា៣នាក់បានឈទិញអីហូបនៅចំណុចមុខសាលាវិទ្យាល័យស្វាយចេក ស្រាប់តែមានក្មេងស្ទាវ១ក្រុមបានជិៈម៉ូតូ៣គ្រឿងមានគ្នា៦នាក់ជាបុរស់បានជិៈម៉ូតូមកដល់សួរទៅក្រុមជនរងគ្រោះថាទៅស្វាយអត់ ហើយក្រុមជនរងគ្រោះឆ្លើយតបវិញថាមិនបានទៅទេ ហើយក្រុមក្មេងស្ទាវដកកាំបិតកាប់ទៅលើស្ត្រីរងគ្រោះចំកំភួនខាងស្តាំបណ្តាលរបួសធ្ងន់ហើយជនសង្ស័យជិៈម៉ូតូទៅខាងជើងគេចខ្លួនបាត់។

លោកវរៈសេនីយ៍ឯក ជា ឈ្លូញ បានបញ្ជាក់ថា៖ក្រោយទទួលព័ត៌មានក្រុមក្មេងស្ទាវកាប់ស្ត្រីរងគ្រោះបណ្តាលរបួសធ្ងន់ស្ត្រីម្នាក់ កម្លាំងចុះភ្លាមៗនាំយកស្ត្រីរងគ្រោះទៅមន្ទីពេទ្យដើម្បីសង្គ្រោះ ហើយកម្លាំងជំនាញកំពុងស្រាវជ្រាវរកខ្លួនជនបង្កទទួលបានមុខសញ្ញាហើយកំពុងគេចខ្លួន ដើម្បីរកចាប់ខ្លួនអោយបានដើម្បីចាត់ការតាមច្បាប់៕ដោយ៖ចន្ត្រា