រាជធានីភ្នំពេញ ៖ ម៉ូតូឌ្រីមសេ១២៥ បានបុកគ្នាជាមួយនឹង រថយន្ដ Audio ស៊េរីទំនើប ត្រង់ផ្លូវបំបែកជាបួន បណ្ដាលអោយរងការខូចខាតយ៉ាងដំណំ កាលពីវេលាម៉ោង២ រំលងអាធ្រាត្រ ឈានចូលថ្ងៃទី១៤ ខែសីហា ឆ្នាំ២០២៣ នៅចំណុចផ្លូវមុនីវង្ស ក្នុងសង្កាត់បឹងកេងកង ខណ្ឌបឹងកេងកង រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញនារីម្នាក់ បើករថយន្ដ Audio ស៊េរីទំនើប មួយគ្រឿង បើកក្នុងទិសដៅពីត្បូងទៅជើង លុះដល់ចំណុចកើតហេតុ ក៏ត្រូវបានម៉ូតូឌ្រីមសេ១២៥ មួយគ្រឿង មកបុកគ្នាត្រង់ផ្លូវបំបែកជាបួន បណ្ដាលអោយរងការខូចខាតយ៉ាងដំណំ។

ក្រោយពេលកើតហេតុ ម្ចាស់ម៉ូតូបានលើកដៃសំពះទៅម្ចាស់រថយន្ដ Audio ដើម្បីបញ្ចប់គ្នានៅនឹងកន្លែងកើតហេតុ ៕ Mrr Ka