រាជធានីភ្នំពេញ​៖ ​ យ៉ាងហោចណាស់ ស្ត្រីវ័យចំណាស់២នាក់ បានរងរបួស ខណៈរថយន្តបែនដឹកដីមួយគ្រឿង សណ្តោងត្រាក់ទ័រ ឬក៏ហៅ អាប៊ុល របូតគន្លឹះ ជ្រុលមកបុកចូលផ្ទះលក់ចាប់ហួយមួយកន្លែង បង្កការភ្ញាក់ផ្អើល នៅវេលាម៉ោង ១០និង៤០នាទី ព្រឹកថ្ងៃទី១៤​ ខែសីហា​ ឆ្នាំ២០២៣​ នៅតាមបណ្តោយផ្លូវបេតុង ជិតវត្តអង្គត្រគៀត​ សង្កាត់កន្ទោក​ ខណ្ឌកំបូល រាជធានីភ្នំពេញ ។

ប្រភព័ត៌មានបានឱ្យដឹងថា​ មុនពេលកើតហេតុ គេបានឃើញរថយន្តបែនដឹកដីមួយគ្រឿង ពណ៌ខៀវ​ ពាក់ស្លាកលេខ ចង្កូតស្តាំ PP 2674 សណ្តោង អាប៊ុល បើកតាមបណ្តោយផ្លូវបេតុងខាងលើ ពីលិចទៅកើត លុះដល់ចំណុចកើតហេតុ មិនដឹងយ៉ាងម៉េច ស្រាប់តែរបូតគន្លឹះ ជ្រុលមកបុកចូលផ្ទះលក់ចាប់ហួយមួយកន្លែង បណ្តាលឲ្យស្ត្រីវ័យចំណាស់២នាក់ រងរបួស ។

ក្រោយកើតហេតុ សមត្ថកិច្ចក៏បានមកដល់ ធ្វើការពិនិត្យ និងទុកពេលឲ្យភាគីរថយន្ត ដោះស្រាយគ្នាជាមួយភាគីម្ចាស់ផ្ទះមួយជំហ៊ានសិន ៕ មេសា